قبل ما تبيع أو تشتري الذهب.. نصائح شعبة الذهب بخصوص الأسعار المستقبلية
اسعار الذهب في مصر في الوقت الحالي بتشهد فترة كبيرة من التذبذب ما بين الارتفاع والهبوط.. ياترى اسعار الذهب رايحه علي فين... وهل الاسعار لسه مرشحة للزيادة ولا ممكن تنزل الفترة اللي جاية.
اسعار الذهب في الوقت الحالي ارتفعت بارقام خرافية بعد الرسوم الجمركية الأخيرة اللي اقرتها الصين للرد علي الولايات المتحدة الأمريكية واللي رفعت الرسوم الجمركية الأخيرة اللي فرضتها علي كل دول العالم ورجعت شالتها تاني ، بس رفضت ترفعها عن المنتجات الصينية اللي بتدخل السوق الأمريكي، والصين ردت عليها بزيادة الرسوم الجمركية علي البضائع الأمريكية في السوق الصيني، والرسوم دي عملت حالة كبيرة من التوتر في سوق التجارة العالمي بشكل كامل.
التوترات التجارية اللي بقت موجودة في الوقت الحالي بين اكبر قوتين اقتصاديتين في العالم، عملت موجودة شديدة من الارتفاعات في الأسعار، واللي كان لها تاثير مباشر علي اسعار الذهب في العالم كله، واسعار المعدن الاصفر وصلت لمستويات لأول مرة في التاريخ، وكل الخبراء اجمعوا ان الاسعار لسه مرشحة للزيادة تاني في الفترة اللي جاية.
طيب اية اسباب ارتفاع اسعار الذهب في مصر، والاسعار رايحه علي فين الفترة اللي جاية؟.
شعبة الذهب قالت إن الأسعار في مصر مرتبطة بالإحداث العالمية، والذهب بيتاثر بـ3 عوامل وهما سعر الأوقية في البورصة العالمية، وسعر صرف العملة مقابل الدولار وعامل العرض والطلب، وفي الوقت الحالي محدش عارف الاسعار رايحة علي فين خصوصا أنها مرتبطة بالاحداث التجارية العاليمة، ونصحت المواطنين بعدم بيع الذهب في أي وقت الا في حالة لو المواطن عايزة فلوسه للضرورة القصوي.
الشعبة كمان وجهت نصائح للمواطنين بشرئح السبائك والمشغولات الذهبية بألاوزان الخفيفة ودي اللي عليها اقبال كبير جدا في الوقت الحالي خصوصا أنها سهلة في شرائها وكمان مش بتحقق خسائر كتيرة للمواطنين في حالة أن المواطن يضطر لبيعها بسبب حجاته لفلوسها، وفي حالة بيعها المواطن مش بيبع الكمية اللي عندها كلها، يعني ببيبع وفقا للفلوس اللي عايزة، وبالتالي بيكون لسه محتفظ بباقي مدخارته من المعدن الاصفر.
