النفوذ المصري.. قوة مصر العظمي شوف اللي جاي
الدول نفوذها بيتحدد حسب عوامل كتير الاقتصاد هو أهم عنصر من عناصر القوة والنفوذ.. إزاي نفوذ مصر بيكبر في المنطقة وإيه للي هيحصل بكرة والايام الجاية وإزاي مصر هتكون أكبر قوة في المنطقة.. هخليكم معانا للأخر وهتعرفوا التفاصيل
مصر مش محتاجة أدلة عشان تثبت إن عندها كل مفاتيح القوة اللي بتتمناها أي دولة وكمان فيها ميزة مش موجودة في أي دولة في العالم وهي الخلفية الحضارية العظيمة اللي كشفت إن مصر كانت أول دولة في التاريخ تعرف يعني إيه حكومة ووزراء وأول دولة حطت خطط اقتصادية وسياسية وعسكرية والعظمة اللي بتحصل في مصر دلوقتي بقيادة الرئيس السيسي هي امتداد للحضارة العظيمة دي واللي مصر الرئيس يرجعها لعصرها الذهبي ويرجع لها قوتها الاقتصادية زي ما رجع ليها قوتها العسكرية والسياسية والحضارية..
طيب السيسي بيعمل ايه عشان يرجع مصر قوة اقتصادية عظمي زي ماكانت زمان؟
لو فاكرين معانا لما بنك جولدمان ساكس العالمي طلع تقرير في يوليو 2023 هز المنطقة وقال فيه إن مصر هتحتل المركز السابع عالميا متقدما على كل اقتصادات أوروبا مع ناتج محلي إجمالي يتجاوز 10 تريليون دولار، وساعتها الدواير التجارية والمالية في المنطقة والعالم بدأت تتكلم على منطقية التقرير خاصة إنهم عارفين إن مؤسسة عريقة زي جولدمان ساكس مش هتهزر أو تجامل مصر مثلا والغريب إن تقرير البنك العالمي صدر ومصر في ذروة أزمتها الاقتصادية.
اهل الاقتصاد اللي فاهمين اللي بيحصل قالوا إن البنك العالمي مش بيجامل وإن توقعاته سهل جدا تحصل ودا لو مصر مشيت في خططها الاقتصادية مع الرئيس السيسي والخبراء دول استشهدوا بالمعجزات اللي حصلت في مصر خلال 10 سنين بس وإزاي نفذت مشروعات يحتاج تنفيذها لأضعاف المدة دي ورغم كده مصر جريت في التنمية وقلبت الموازين في البنية التحتية وبتوطن الزراعة وبتزرع الصحراء وبتبني المدن والمواني وخطوط التجارة ولسه بتوسع قناة السويس وجذبت استثمارات ضخمة ولسه هستتقبل أضعاف الارقام اللي جت وبتبني مشروعات ضخمة في الطاقة والنقل والتعهيد والاتصالات والرقمنة.
قوة مصر الاقتصادية اللي جاية ليها أسبابها المنطقية زي السوق الكبيرة ومصر داخلة على 110 مليون نسمة بخلاف موقعها الجغرافي الاستراتييجي وقربها من كل الاسواق العالمية وتحكمها في أهم خط ملاحي في العالم بجانب العمالة المدربة والبنية البشرية الضخمة في العلماء والخبراء في كل المجالات ماهي جينات وراثية بقى من أيام الفراعنة.
نفوذ مصر الاقتصادي جاي جاي ومع اكتمال مفاتيح القوة للدولة التانية للدولة المصرية ساعتها مصر هتكون قوة عظمي من كل النواحي وهتسترد موقعها الطبيعي في مقدمة الأمم والشعوب ودا هدف الرئيس السيسي مصر يحققه من أول يوم ومصر هترجع تنور من تاني.
