ليه الاستثمار في الفضة هو المستقبل.. شوف التقرير دا وهتعرف ليه (فيديو)
ليه الاستثمار في الفضة بيعتبر من أهم أنواع الاستثمارات في المعادن دلوقتي وليه الخبراء شايفين إنه احسن من الاستثمار في الدهب.
ناس كتير فاكرين إن الدهب هو سيد المعادن الأوحد وإن هو افضل استثمار ودا مش حقيقي بالمرة لأن فيه أنواع تانية من المعادن الاستثمار فيها بتكون أرباحه أكتر من الدهب.. من مميزات الاستثمار في الفضة انها بتعتبر وعاء ادخاري يناسب عدد كبير من الفئات خصوصا أصحاب الدخل المتوسط بالإضافة إلى الأفراد غير القادرين على الاستثمار في الدهب ودا لانخفاض سعرها مقابل الدهب.
ومن مميزات الاستثمار في الفضة كمان إن سعرها بيزيد باستمرار ودا لأن المعروض العالمي قليل من المعدن الابيض وفي نفس الوقت الطلب كتير على الفضة لأنها بتدخل في صناعات مهمة كتير زسي الصناعات الطبية والالكترونية وفي الهواتف ومحولات الطاقة والصناعات العسكرية والالكترونية والطبية وغيرها... وخبراء المعادن شايفين إن المستقبل في الاستثمار للفضة.
كمان ميزة الفضة انك تقدر تستثمر فيها بكميات كبيرة للحصول على جدوى استثمارية أكبر بالإضافة إلى أنها تعتبر استثمار طويل الأجل وأفضل وسيلة استثمارية للمبتدئين في سوق المعادن والاستثمار وكمان اسعار الفضة بتزيد مع التقلبات الاقتصادية العالمية، ما يجعلها وسيلة مناسبة للتحوط من الخسائر في حالة وجود استثمارات في نشاطات تانية.
وفي حاجة مهمة بترشح الفضة إنها تكون الاستثمار المثالي في الشهور الجاية وهي التوسع العالمي في الصناعات التكنولوجية المتطورة زي السيارات الكهربائية وصناعة أشباه الموصلات واللي بترفع الطلب على معدن الفضة ودا بيسبب زيادة متوقعة في سعرها خلال الفترات الجاية.
كمان الاستثمار في الفضة خيار ممتاز للمستثمرين اللي بيفكروا في تنويع محافظهم الاستثمارية والتحوط ضد التضخم وتقلبات السوق لأن الفضة زي الدهب ملاذ آمن في أوقات عدم اليقين الاقتصادي والجيوسياسي وكمان بتحافظ على قيمتها وبتزيد في فترات التضخم وحماية قيمة الأموال وكمان مع تقلب السوق وزيادة الطلب على الفضة في الصناعات اللي قلنا عليها ممكن يعمل طفرات سعرية كبيرة في الاسواق الدولية وبالتالي هتحقق ارباح كبيرة للمستثمرين فيها.
طيب لو هستثمر في الفضة هننصحك بإيه؟
أول حاجة ركز على شراء سبائك الفضة والعملات الفضية من تجار المعادن الثمينة أو البنوك يعني من مكان ثقة وومكن تستثمر من خلال
صناديق الاستثمار المتداولة (ETFs) واللي بتتيح للمستثمرين الاستثمار في الفضة دون الحاجة إلى امتلاكها فعليا وكمان تقدر تستثمر في الفضة من خلال شراء أسهم في شركات تعدين الفضة وفي العقود الآجلة للفضة كمان واللي بتوفر للمستثمرين المضاربة على أسعار الفضة المستقبلية.
