حلم الـ 30 مليون سائح.. مصر بتخطط تروح في حتة تانية خالص في 2030
يا ترى هل ممكن نوصل لجذب 30 مليون سائح لمصر في سنة 2030، ايه هي خطة الحكومة لتحفيق الهدف ده، وهل في خريطة محددة للنهوض بالسياحة ككل وزيادة معدلات ايرادتها.
كلنا عارفين إن قطاع السياحة من أهم القطاعات اللي بتدعم الاقتصاد المصري بشكل كويس ودايم، خاصة وأنها بتتوصف ب "النفط الجديد لمصر"، لأنها من أهم الأبواب لتدفق النقد الأجنبي، وكمان مردودها سريع.
عشان كده، الحكومة بتخطط دلوقتي عشان تحقق جذب 30 مليون سائح لمصر في سنة 2030، والهدف ده بيحتاج شوية وقت للوصول له لكن احنا عندنا كل مقومات تطبيقه.
ومن أهم المقومات دي، هي الاستقرار الأمني اللي بتتمتع به مصر، لأنه مفتاح الازدهار السياحي، ده بجانب التطور الكبير في البنية التحتية.
كل ده بجانب، تحرك وزارة السياحة المصرية بشكل سريع لانعاش القطاع، والمشروعات الجديدة اللي بتتنفذ زي المتحف المصري الكبير، واللي بيأكد على قوة المقصد السياحي المصري.
كمان، المرونة اللي بيتمتع بها القطاع السياحي في مصر، بتخليه قادر وبقوة على مواجهة الصدمات والأزمات، وله دور كبير في تعافي السياحة من الأزمات عالميا ومحليا بشكل أسرع.
برضو، مطلوب تدقيق الحسابات القومية الخاصة بعائدات السياحة وحساب انعكاسها على الموازنة العامة للدولة، وكمان رصد العائدات لحظيا.
ونقدر نقول إن استقدام 30 مليون سائح يعني تنظيم 2886 رحلة طيرأن أسبوعيا لمصر، بمتوسط 200 راكب في الرحلة، وده عدد ضخم جدا، بيتطلب إن مستهدفات وزارة الطيرأن تمون متوافقه معاه.
كمان، مطلوب تطبيق اتفاقيات مع دول أجنبية وعربية لتعزيز التدفق السياحي لمصر، وده في حد ذاته هيزود من تدفق الرحلات لمصر، وكمان هتيفيد مصر للطيرأن منها، فزيادة عدد الرحلات هو أهم مفاتيح زيادة حصة مصر من السياحة، خاصة وأن حوالي 70% من السياحة المصريه بتيجي من أوروبا.
ومهم جدا كمان، وجود رحلات مباشرة لسوق مهم هو أمريكا اللاتينيه، لأن سياحها مضطرين للذهاب لمحطات عبور، زي تركيا أو دبي لكي يجوا مصر.
ولأن السياحة كلها خير فلازم يتم تسهيل إقامة الفنادق ووجود أسعار شفافة عشان نحقق أفضل جذب للسائح.
عندك برضو، منطقة البحر المتوسط، بتعتبر منطقة جذب للسائحين، لأنها بتحصل وحدها على 500 مليون سائح سنويا، يعين ثلث عدد السائحين في العالم كله، فمهم جدا الاهتمام بشواطئهة، وعمل وحدات فندقية تجذب السياح.
فوق كل ده، مطلوب تنشيط سياحة التسوق، وتدريب العمالة، ورد ضريبة المبيعات للسائح المغادر بطريقة سهلة، ووضع أجندة ثابتة للسياحة المصرية، وتجديد آليات الترويج وحملات العلاقات العامة الدولية، والمشاركة في المعارض المتخصصة، زي معارض سياحة السفاري أو الغوص، وعدم الاكتفاء بالمعارض العامة الدولية، فكل دي عوامل هتحقق زيادة إنفاق السائحين، مش زيادة عددهم بس، وبالتالي هنقدر نجذب 30 مليون سائح بحلول سنة 2030.
