مصر تكسب أرض جديدة في كوريا.. الصادرات تقفز والواردات تتراجع

مصر بدأت تكسب أرض جديدة في السوق الكورية.. والصادرات المصرية إلى كوريا الجنوبية بتتحرك لفوق.

خلال أول 6 شهور من 2026، الصادرات المصرية لكوريا الجنوبية ارتفعت بنسبة 11.2%، ووصلت لـ 44.6 مليون دولار، مقابل 40.1 مليون دولار في نفس الفترة من 2025.

وفي المقابل، الواردات المصرية من كوريا الجنوبية تراجعت بنسبة 9.9%، وسجلت حوالي 595.7 مليون دولار، مقابل 661.1 مليون دولار العام اللي فات.

يعني إيه الكلام ده؟

يعني الصادرات المصرية زادت في الوقت اللي الواردات الكورية لمصر فيه تراجعت.. وده انعكس على إجمالي حركة التجارة بين البلدين، اللي انخفضت بنسبة 8.7% وسجلت 640.3 مليون دولار.

ورغم إن الفجوة التجارية لسه كبيرة لصالح كوريا، الأرقام بتكشف عن تحسن في أداء الصادرات المصرية للسوق الكورية خلال النصف الأول من السنة.

فهل مصر تقدر تحول الزيادة دي لانطلاقة أكبر في السوق الكورية؟
ولا لسه محتاجة دفعة أقوى للصادرات؟