450 مليار دولار.. مصر على أعتاب إعمار سوريا في انتظار "الضوء الأخضر"
مصر ممكن تكون على أبواب سوق ضخم جدًا لإعادة إعمار سوريا.. لكن لسه مستنية "الضوء الأخضر".
الاحتياجات في سوريا ضخمة، وبتوصل لنحو 1.9 مليون وحدة سكنية، بينما التقديرات بتشير إن حجم أعمال واستثمارات إعادة الإعمار ممكن يقرب من 450 مليار دولار.
وده بيفتح الباب قدام شركات المقاولات المصرية للمشاركة في مشروعات ضخمة، وكمان تصدير خدمات الإنشاءات ومواد البناء والعمالة المصرية.
وفعلًا، شركة "أبناء حسن علام" تحركت بدري، وزارت سوريا والتقت الرئيس السوري، لكن لحد دلوقتي مفيش إعلان عن إسناد مشروعات للشركة.
طب إيه اللي موقف الانطلاقة؟
الشركات المصرية محتاجة تسهيلات في الدخول والحركة، وضمانات وتمويل وتحويلات مالية، وكمان استقرار أمني وسياسي واستئناف حركة الطيران المباشر بين البلدين.
يعني السوق موجود والفرصة ضخمة.. لكن البداية الفعلية لسه مرتبطة باستكمال الترتيبات الحكومية والظروف المناسبة لدخول الشركات المصرية.
والسؤال هنا.. إمتى مصر تاخد الضوء الأخضر وتبدأ فعليًا في إعمار سوريا؟
