الدهب رايح على فين في 2027؟.. توقعات بوصول الأوقية لـ5330 دولار
لو بتتابع الدهب وبتفكر هو رايح على فين في 2027، فالتوقعات الجديدة بتقول إن المعدن الأصفر ممكن يشهد مستويات قياسية.
شركة «ميتالز فوكاس» المتخصصة في المعادن النفيسة، متوقعة أن متوسط سعر الذهب يوصل لحوالي 5330 دولار للأوقية خلال 2027، بزيادة تقارب 22% عن المستويات الحالية.
التوقعات دي مرتبطة باستمرار مخاوف التضخم والعجز المالي في أمريكا، بالإضافة لعدم اليقين الاقتصادي، وده ممكن يخلي المستثمرين يزودوا إقبالهم على الذهب كوسيلة للتحوط.
لكن في المقابل، الأسعار ممكن تواجه ضغوط على المدى القريب بسبب السياسة النقدية الأمريكية.
والتفاؤل مش واقف عند الدهب، فالفضة ممكن تتجاوز 90 دولار للأوقية بنهاية 2027، بينما متوسط البلاتين متوقع يوصل لـ2060 دولار.
أما البلاديوم، فالتوقعات ليه أكثر حذرًا، بسبب ضغوط الطلب من قطاع السيارات وزيادة المعروض من المناجم وإعادة التدوير.
