عليك متأخرات كهرباء؟.. اعرف إزاي تقسط المديونية والأوراق المطلوبة

عليك متأخرات كهرباء ومش قادر تسدد المبلغ كله مرة واحدة؟ فيه إمكانية لتقسيط المديونية من خلال شركة توزيع الكهرباء التابع ليها.

أول خطوة إنك تروح الشركة ومعاك صورة بطاقة الرقم القومي، وآخر فاتورة كهرباء أو رقم الحساب، وتقدم طلب تقسيط المديونية.

ولو أنت مش صاحب العداد، هتحتاج مستند يثبت صفتك بالنسبة لمكان استهلاك الكهرباء، وممكن الشركة تطلب كمان مستندات العداد أو عقد التعاقد.

بعد تقديم الأوراق، الشركة بتراجع الحساب والفواتير وقراءات العداد ومعدلات الاستهلاك، عشان تتأكد من قيمة المديونية الفعلية قبل تحديد مبلغ التقسيط.

ولو اكتشفت أن فيه فاتورة غلط أو المبلغ مش مطابق لاستهلاكك، تقدر تقدم تظلم للشركة، ويتم مراجعة القراءات والفواتير قبل إتمام التسوية. والهدف أن المواطن يقدر يسدد المتأخرات بشكل أكثر مرونة بدل دفع المبلغ كامل مرة واحدة.