إنستاباي يفاجئ المستخدمين برسوم جديدة.. شوف التفاصيل وموعد التطبيق
يا ترى إيه اللي حصل في انستاباي في الساعات الأخيرة، وإيه طبيعة الرسوم الجديدة اللي هيفرضها التطبيق على المستخدمين، هتوصل لكام، وهل هتكون على كل المعاملات ولا معاملات بعينها، وامته بالظبط هيتم تطبيقها.. لو عايز تعرف التفاصيل شوف
في الساعات الأخيرة، زاد الكلام عن فرض رسوم على تطبيق التحويلات المالية "إنستاباي"، وده حصل مع اقتراب انتهاء فترة الإعفاء من الرسوم بنهاية شهر مارس الحالي، عشان يدعم التحول الرقمي والشمول المالي.
وكان البنك المركزي، قرر في شهر ديسمبر اللي فات، مد فترة الإعفاء من كل المصروفات والعمولات الخاصة بخدمات التحويلات البنكية للأفراد اللي بتتم من خلال القنوات الإلكترونية، بما فيها تطبيق "إنستاباي"، لمدة 3 شهور، وده حصل في إطار دعم استراتيجية الدولة المصرية للتحول الرقمي وتعزيز الشمول المالي.
وطبعا كلنا عارفين إن "إنستاباي" واحد من أهم وأبرز تطبيقات المدفوعات الرقمية اللي أطلقها البنك المركزي المصري، لأنه بيمكّن المستخدمين من تنفيذ تحويلات لحظية بين الحسابات المصرفية والمحافظ الإلكترونية وبطاقات الدفع، بسهولة وبأمان، خاصة وإن بيستخدمه حوالي 14 مليون مواطن مصري لحد دلوقتي.
وساهم التطبيق في تعزيز منظومة المدفوعات الرقمية، لأنه بيتيح للعملاء إجراء تحويلات بتصل ل 70 ألف جنيه للعملية الواحدة، وبحد أقصى 120 ألف جنيه يوميًا، و400 ألف جنيه شهريًا.
والرسوم الجديدة لانستا باي، بتبدأ من 0.1% بحد أدني 1 جنية وأقصى 20 جنيه، يعني بالبلدي من 1 جنية لغاية 1000 جنيه هتدفع رسوم 1 جنيه، وبعدها هتحسب 1 في الالف ودي الرسوم، ولغاية 20 ألف وحتي 70 ألف الحد الأقصي للعملية هيكون الرسوم 20 جنيه.
ومع انتهاء المهلة الحالية للإعفاء من الرسوم، فالبنك المركزي بصدد الإعلان عن آلية جديدة لاحتساب الرسوم دي على خدمات التطبيق، واللي متوقع إن يبدأ تطبيقها بأن اعتبارًا من 1 أبريل الجاي.
ومقر إن القرار النهائي يطلع خلال الأيام الجاية، عشان يحدد ملامح مستقبل التحويلات الفورية في مصر ومدى تأثر منظومة الدفع الإلكتروني بهذا التوجه الجديد.
لكن لحد دلوقتي، مافيش أي تعليمات صدرت بخصوص فرض رسوم على استخدامات التطبيق من وإلى المحافظ الالكترونية، عشان تنتهي مهلة الإعفاء من رسوم التطبيق مع بداية شهر أبريل الجاي.
