هل يقرر البنك المركزي المصري إعفاء مستخدمي إنستاباي من الرسوم نهائيًا؟
الأربعاء 05/مارس/2025 - 01:45 م
يا ترى هل البنك المركزي المصري هيقرر إعفاء مستخدمي تطبيق "انستا باي" من الرسوم اللي بتتفرض عليهم أثناء استخدامه، قريب؟
كلنا عارفين إن تطبيق "إنستاباي" بيعتبر من أهم الأدوات المالية الرقمية اللي بيعتمد عليها 11 مليون مصري في تنفيذ التحويلات المالية بسرعة وأمان، عشان بيغنيك عن زيارة البنك أو استخدام الفلوس "الكاش".
ومع تزايد عدد مستخدمي انستا باي، فكتير بيسألوا امته البنك المركزي هيعفيهم من رسوم التطبيق؟
في الحقيقة، البنك المركزي المصري، كان مقرر بتاريخ 1 يناير اللي فات إعفاء جميع التحويلات المالية عبر "إنستا باي" من أي رسوم لمدة 3 شهور أشهر قابلة للتجديد، وفي كلام بيشير لأن المركزي هيمد فترة الإعفاء لحد 30 يونيو 2025، وبكده تقدر تدفع فواتيرك وأقساطك من "انستا باي" بدون أي رسوم لحين إشعار آخر.
