رجعت تظهر تاني.. أسباب عودة الأموال الساخنة إلى مصر
الأموال الساخنة واحدة من الحاجات اللي ظهرت بقوة في السوق المصري في الفترة اللي فاتت، وحاليا ابتدت تظهر تاني.. ياتري اية سبب عودة ظهرها في السوق المصري.. وهل لها فايدة علي الاقتصاد المصري.
الأموال الساخنة مصطلع ظهر في السوق المصري علي مدار السنين اللي فاتت، وكان سبب اساسي من أزمة مصر الاقتصادية واللي ظهرت بسبب نقص العملات الأجنبية في البنوك الوطنية، وكانت سبب اساسي في ظهور وانتشار السوق السودا في التجارة بالعملات الأجنبية.
طيب يعني اية مصطلح الأموال الساخنة واية اسباب ظهورها في السوق المصري؟
مصر في الفترات اللي فاتت استقبلت تفقدات أجنبية كبيرة بسبب القرارات الاقتصادية لتحرير سعر الصرف في مصر، وده اللي خبراء الاقتصاد بيسموه أموال ساخنة، وهو بتدخل الدول عن طريق المستثمرين الأجانب وبنسبة كبيرة بتخرج بسرعة وبتعمل ازمة كبيرة في الأسواق المالية، وفي الغرض منها الاستفادة من فارق اسعار الفايدة.
أغلب الأموال الساخنة اللي بتدخل الدول بتكون في صورة استثمارات في أذونات الخزانة أو السندات، وهيا بتكون ادوات بتقوم الحكومة بالاقتراض من خلالها أو في أسهم للشركات المدرجة بالبورصة، للاستفادة من تدني سعر العملة المحلية مقابل الدولار وارتفاع الفائدة، والحاجة دي المستثمرون الأجانب بيسفادوا منها في مصر بسبب السعر المرتفع للدولار، وده بيخلي المستثمرين يحققوا مكاسب كبيرة من شراء أدوات الدين اللي الحكومة بقترض من خلالها لسد العجز بين المصروفات والإيرادات.
الأموال الساخنة بدأت حاليا تظهر مرة تانية في السوق المصري خصوصا اقتراب الحكومة من دفع ديون مستحقة عليها في الشهرين اللي جايين واللي كان تم إصدارهم كسندات محلية أو أذون خزانة في مارس 2024.
حجم الأموال الساخنة اللي دخلت السوق المصرية في الفترة اللي فاتت وصل لـ 24 مليار دولار ودي أموال استثمارية ضخمة لمستثمرين من مختلف أنحاء العالم، ووصل إجمالي استثمارات الأجانب في أدوات الدين المصرية لـ33 مليار دولار بنهاية مارس 2024.
طيب ازاي مصر بتستثمر الأموال الساخنة دي في دعم الاقتصاد الوطني؟
خبراء الاقتصاد أكدوا أن الاستثمار الأجنبي غير المباشر بيعد واحد من موارد النقد الأجنبي لأي دولة ومش ممكن الاستغناء عنه، والشرط الوحيد أن الدول تستفاد منه هو استخدامه بشكل إيجابي لتجنب أي مخاطر غير متوقعة.
الخبراء قالوا أن دخول الأموال في السوق المصري بيعكس صورة جيدة باستقرار الأوضاع في مصر، وجاذبية العائد على الجنيه خصوصا أن دخول وخروج الأجانب بيتم بشكل طبيعي وبدون اي ضغوط، والبنوك بتستخدم الأموال الساخنة في تمويل بعض المعاملات قصيرة الأجل زي سداد بعض الاعتمادات المستندية أو تداولها في الأسوق أو سداد بوصلية تأمينية، أوتغذية صافي الأصول الأجنبية، والدول مش بتعتمد عليها في تمويل التزامات طويلة الأجل بسبب انعكاساتها السلبية على سعر الصرف.
