طواريء في بنوك مصر.. والاعلان عن قرارات حاسمة خلال أيام
في الأيام الأخيرة فى حالة من حالات الطوارئ بتعيشها البنوم المصرية بعد قرارات البنك المركزي برفع سعر الفايدة وخلال ايام هتصدر قرارات حاسمة ومهمة فيها يتعلق بعد من الملفات .. فيا ترى ايه اللى بيحصل فى الكواليس ؟ وايه الاجراءات اللى هتتاخد الفترة الجاية ؟ وليه البنوك بتفكر فى حلول خارج الصندوق لعدد من المشكلات اللى بتواجهها؟
فى اخر اجتما للجنة السياسة النقدية فى البنك المركزي قررت اللجنة رفع اسعار الفايدة 2% عكس معظم التوقعات اللى كانت بتقول ان المركزي هيثبت اسعار الفايدة .. وطبعا قرار رفع الفايدة على الايداع والاقراض 200 نقطة مرة واحدة ليه تداعيات كبيرة على البنوك وعلى حجم السيولة فى السوق وكمان على قيمة اموال المودعين.. وعشاان كده لجا الأليكو فى البنوك فى اجتماعات متواصلة بقالها أكتر من اسبوع لدراسة السناريوهات اللى ممكن يتم التعامل بيها مع اسعار الفايدة.
ورفع البنك لأهلي وبنك مصر أكبر بنكين في مصر أسعار الفايدة على القروض الشخصية غير المضمونة بنحو 2% بدءاً من تعاملات الأسبوع اللى فات
والقرار ده جه بعد رفع البنك المركزي يوم 1 فبراير أسعار الفائدة على الإيداع والإقراض لليلة واحدة بنحو 2%.. و رفع الفايدة على القروض الشخصية تم بعد دراسة لجنة الأصول والخصوم " الأليكو" لمعدلات تسعير الفائدة في ظل ارتفاع التكلفة.
وزي ما هو معروف فالقرض الشخصي من أكتر المنتجات التمويلية طلبا من جانب الأفراد لتعدد برامجه التمويلية وإمكانية استخدامه في غرض من دون أي اشتراطات وبتتراوح قيمة القرض الشخصي في البنوك حاليا بين 1.5 و3 مليون جنيه.
وبتتفاوت أسعار الفائدة على القروض الشخصية فى بنك مصر والبنك الأهلي وفقا للعميل والوظيفة ومدة التمويل،والضمانات اللي بيقدمها العميل للبنك، وبتتراوح نسبتها بين 24 و27% على بعض التمويلات.
ورفع البنك الأهلي المصري سعر الفائدة 1.5% على الودائع لأجل، و2% على الحسابات الجارية والشهادة البلاتينية ذات العائد المتغير المرتبطة بسعر الفائدة لدى البنك المركزي.
كما رفع بنك مصر سعر الفائدة على الحسابات الجارية والشهادات والقروض المرتبطة بسعر " الكوريدور " لدى البنك المركزي بهدف تحقيق التوازن بين تكلفة الفائدة على الودائع والإقراض وفقا لمسؤول بالبنك.
مش بس البنك الاهلى وبنك مصر هما اللى اقتحموا الملف ده فيه عدد من البنوك الخاصة بتعمل اجتماعات مكثفة للجان الأليكو لدراسة هيكل تسعير الفايدة على مختلف منتجات الادخار والإقراض بعد ارتفاع الفائدة الأساسية على الجنيه .. ومن المتوقع ارتفاع الفائدة على مختلف القروض البنكية سواء للأفراد أو الشركات للحفاظ على مستويات تكلفة الأموال.
وكانت لجنة السياسة النقدية للبنك المركزي المصري فى أول اجتماعات 2024 قررت رفع سعر عائد الإيداع والإقراض لليلة واحدة وسعر العملية الرئيسية للبنك المركزي إلى مستوى 21.25%، 22.25% و21.75% على الترتيب.
وتم رفع سعر عائد الائتمان والخصم إلى مستوى 21.75%.
وفي اجتماعات سبتمبر ونوفمبر وديسمبر 2023، قررت لجنة السياسة النقدية للبنك المركزي المصري، الإبقاء على سعري عائد الإيداع والإقراض لليلة واحدة وسعر العملية الرئيسية للبنك المركزي عند مستوى 19.25%، 20.25% و19.75% على الترتيب كما تم الإبقاء على سعر الائتمان والخصم عند مستوى 19.75%.
