إيه اللي هيحصل في مصر بعد انتخابات الرئاسة؟.. ماذا تحمل الولاية الجديدة للسيسي؟
يا ترى ايه اللى هيحصل في مصر بعد انتخابات الرئاسة؟ ولو مفيش تعويم خلاص زي ما معظم التقارير حاليا بتقول ازاي هيتم سد الفجوة التمويلية في الموازنة العامة للدولة؟ وهل الدولار سعره ممكن ينزل في السوق السودا الى مستوى 35 جنيه فعلا؟ وايه موقف ملف الطروحات الحكومية ؟ والأهم ايه الحاجات اللى بيراهن عليها السيسي لحل ازمة نقص العملة الأجنبية والقضاء نهائيا على المضاربة في العملة؟
خلاص فاضل أيام قليلة للغاية وهيبدأ التصويت في الداخل في الانتخابات الرئاسية اللى بيتنافس فيها4 مرشحين هم الرئيس عبدالفتاح السيسي وفريد زهران رئيس الحزب المصري الدسمقراطي وحازم عمر رئيس حزب الشعب الجمهوري وعبدالسند يمامة رئيس حزب الوفد.. انتخابات كل الناس عارفة انها محسومة لصالح الرئيس السيسي اللى مفيش واحد من المرشحين قدامه يقدر حتى ينافسه او يقف قدامه بسبب الإنجازات اللى عملها السيسي في السنين اللى فاتت.. وعشان كده التفكير كله دلوقتى فيما بعد انتخابات الرئاسة وازاى السيسي مممكن يواجه الزمات والمشاكل اللى بتعانى منها مصر وأهمها طبعا أزمة الدولار
والحقيقة الرئيس السيسي مش مستنى حتى نتيجة الانتخابات وبدأ من بدرى جدا يفكر في حلول من بره الصندوق لأزمة نقص العملة اللى عاملة مشاكل كبيرة جدا في مصر ومأثرة على حياة الناس بشكل واضح وكلنا شايفين أسعار السلع اللى زادت بأكتر من 150 %
واللى متابع تحركات السيسي في الشهور الأخيرة هيعرف انه بدأ يجهز للولاية الجديدة وأكتر ملف شغال عليه فعلا هو توفير سيولة دولارية كبيرة تقدر تغطي العجز الموجود في الموازنة العامة وده وضح جدا في الجهود اللى قادها السيسي في اعداد وقبول ملف انضمام مصر لتجمع بريكس بداية من يناير الجاي ودي واحدة من أهم الضربات اللى السيسي نجح فيها لأن انضمام مصر لبريكس ليه فوايد اقتصادية كبرة وهيحل أزمة الدولار بشكل جذري خصوصا في ظل اتفاقيات تبادل العملات المحلة اللى بتتم دلوقتى مع الدول العضاء في تجمع بريكس وده طبعاهيخفف الضغط على الدولار وهيقلل فاتورة الاستيراد ومصر مش هتكون مضطرة انها تسدد التزاماتها بالدولار.
كمان السيسي نجح في حل كل الخلافات اللى كانت موجودة مع صندوق النقد الدولى ومديرة الصندوق طلعت بنفسها وقالت ان الأولوية مش لتحرير سعر الصرف وتعويم الجنيه ولكن لمواجهة التضخم ومساعدة مصر على عبور الوضع الاقتصادي الصعب اللى بتعانى منه من مارس 2022 ولحد دلوقتي.
كمان الرئيس السيسي وخلال مناقشاته وزياراته المتبادلة مع قادة دول الخليج نجح في تجديد ودايع خليجية بمليارات الدولارات ساهمت في القضاء على فوضى سوق الصرف والدولار في السوق السودا بدأ ينهار بعد الإعلان عن تجديد الودايع دي.
والرئيس السيسي مهتم بشكل شخصي بملف توطين عدد من الصناعات المحلية والاستغناء عن استيراد اى سلعة ليها بديل محلى بالإضافة الى تحركات وقرارات مهمة أصدرها السيسي لتحسين مناخ الاستثمار في مصر وجذب استثمارات اجنبية وكل ده هيكون ليه مردود ايجابى في القضاء بصورة نهائية على أزمة الدولار
