مفاجأة من البنك المركزي بخصوص أسعار الفائدة.. ايه اللي هيحصل؟
في قرار مهم جدا هيخرج عن البنك المركزي في الأيام اللي جاية هيغير سوق الاستثمار والاقتصاد المصري بشكل كامل، والقرار ده بيشغل بال عدد كبير من المصريين... ياتري اية هو القرار ده.. واية اسباب اهميته للأقتصاد المصري.
قرارات البنك المركزي في الوقت الحالي بقت من الحاجات اللي بتهم عدد كبير من الناس في الشارع المصري خصوصا لو قرارات خاصة بلجنة السياسات النقدية، واللي قرارات بيكون متعلق بسعر الفايدة، ودي اللي بترتب عليها حاجات كتيرة متعلقة بالاقتصاد الوطني سواء استثمار أو اسعار أو شهادات، وطبعا كلها حاجات بقت تهم كل مواطن مصري في الوقت الحالي عكس الفترات اللي كانت قبل كده.
من كام اسبوع لجنة السياسات النقدية بالبنك المركزي عقدت اول اجتماع لها في 2025، وكان في توقعات كتيرة بتقول أن القرار الاقرب اللي هيخرج عن اللجنة هو تخفيض سعر الفايدة في مصر، وكانت واحد من الاسباب اللي أغلب الخبراء بنوا عليها توقعاتهم هو الانخفاض الكبير اللي حصل في التضخم في مصر، ده غير أن في عدد كبير من البنوك المركزية في عدد كبير من دول العالم خذ نفس القرار بتخفيض اسعار الفايدة عندهم خصوصا أن الفايدة في الوقت الحالي تحولت لحاجة بتضر بالاقتصاد القومي اكثر من نفعها، لكن لجنة السياسات النقدية بالبنك المركزي خالفت كل التوقعات واخذ قرار بتثبيت سعرى عائد الإيداع والإقراض لليلة واحدة عند 27.25%، 28.25% على الترتيب.
طيب اية القرار المهم اللي هيخرج عن البنك المركزي واللي كل الناس منتظراه في الوقت الحالي؟.
كل الناس حاليا مترقبة الأجتماع الجديد للجنة السياسات النقدية بالبنك المركزي واللي هيكون يوم 17 ابريل الحالي خصوصا أن كل الخبراء اجمعوا أن القرار اللي هيخرج من الاجتماع ده هيكون بتخفيض اسعار الفايدة وده هيكون اول قرار بتخفيض اسعار الفايدة في مصر خصوصا أن الفايدة المرتفعة اصبحت بتهدد الاقتصاد المصري بسبب تاثيرها السلبي، خصوصا أنها قضت علي عدد كبير من المشروعات الصغيرة والمتوسطة واللي كانت بتشغل نسبة كبيرة من القوي العاملة في السوق المصري، وده بعد ما عدد كبير من اصحاب المشروعات الصغيرة والمتوسطة اتجه لتصفية مشروعاتهم وتحويلها فلوسها لشهادات في البنوك.
السبب المهم اللي اصحاب المشروعات الصغيرة والمتوسطة بنوا عليه قراراتهم هو الارتفاع الكبير لنسب الفايدة واللي في الوقت الحالي بقي بيفوق كل العائدات اللي ممكن النوع ده من المشروعات الصغيرة والمتوسطة هتحققه، وبالتالي اغلب اصحاب المشروعات فضلوا الاتجاه للشهادات خصوصا أنه بيكون عارف مكسبه هيوصل لكام، وكمان مش هيكون محتاج لا يدفع اجور ولا مرتبات ولا ايجارات ولا هيكون عاتل هم تلقبات السوق، والتغيرات اللي بتحصل في الاسعار خصوصا اسعار المواد الخام واصبح مريح دماغه من الكلام ده كله وعارف هو كل سنة هيكسب كام من الشهادات.
