زيادة جديدة في الحد الأدنى.. ومفاجأة سارة للعمالة غير المنتظمة

الحكومة وقبلها رئيس الجمهورية السيسي اكتر ناس حريصين على محدودي الدخل والعاملين في كل الدولة سواء موظفين عموميين أو في القطاع الخاص أو الحرفيين وحتى العمالة غير المنتظمة واللي دولة عمرها مانسيتهم وصرفتلهم اكتر من 500 جنيه على مدار 6 شهور وقت أزمة كورونا.

الأخبار الحلوة الجديدة أن الحكومة دلوقتي بتراجع قاعدة بيانات العمالة غير المنتظمة واللي وصلت لمليون ونص عشان احتمال فيه قرارات جديدة مفرحة للعاملين غير المنتظمين وعشان وقت التنفيذ يبقي سهل الوصول إليهم.

ومن بين الأخبار الحلوة للعاملين في القطاع الخاص إنه هيتن زيادة الحد الأدنى للقطاع الخاص في الفترة القليلة اللي جاية حسب تأكيد الاتحاد العام لنقابات عمال مصر، واللي كشف إنه خلال 9 سنين اللي فاتت تم صرف علاوات خاصة عالجت التضخم،، وأنه فيه قانون عمل بيتم إنشائه حاليًا بمناقشة من البرلمان، والتأمين الطبي الشامل، وأنه هيتم زيادة الحد الأدنى للقطاع الخاص قريبا واللي وصل  دلوقتي إلى 3000 جنيه للقطاع الخاص، و 4000 جنيهًا للقطاع العام.