خد بالك قبل ما تشترى سبيكة ذهب.. شكلها هيفرق معاك في سعرها

رايح تشترى سبيكة ذهب عشان تحوش فيها فلوسك؟ استنى واسمع الخبر ده كويس.

شعبة الذهب أعلنت إن صناعة السبائك في مصر دخلت مرحلة جديدة خالص مبقاش القصة مجرد وزن وعيار، لأ ده التصميم والشكل الهندسي للسبيكة بقى محمي بقانون الملكية الفكرية.

واحده من الشركات الكبرى اتحركت قانونياً ضد تقليد تصميماتها، والشركات التانية اضطرت توقف المنتجات دي وتسوّيها وديا.

وده معناه إيه؟ إن الابتكار والتصميم بقا عنصر منافسة حقيقي في الصاغة، ومش أي حد هيقدر يقلد التاني.