800 مليون دولار في سنة.. التجارة بين مصر والتشيك تنفجر بقفزة 25%
800 مليون دولار في سنة واحدة.. والتجارة بين مصر والتشيك تقفز بأكتر من 25%.
الأرقام دي بتكشف عن نمو التبادل التجاري بين البلدين خلال 2025 مقارنة بعام 2024، لكن المفاجأة إن التعاون مش واقف عند البيع والشراء بس.
مصر والتشيك بيتحركوا لتوسيع الشراكة في مجالات التصنيع والتكنولوجيا، وفيه فرص للتعاون في صناعة مكونات السيارات والآلات والمعدات الكهربائية وتقنيات النقل وإدارة المياه.
يعني بدل ما العلاقة تفضل مجرد استيراد وتصدير، الاتجاه الجديد هو إن شركات من البلدين تدخل في مشروعات تصنيع مشتركة، وتنقل التكنولوجيا، وتفتح فرص أكبر لزيادة الإنتاج والصادرات.
وفيه بالفعل شركات تشيكية أسست منشآت صناعية في مصر، مقابل وجود استثمارات مصرية في التشيك، خصوصًا في مجالات التصنيع والبحث والتطوير.
كمان مصر بتراهن على موقعها الجغرافي واتفاقياتها التجارية عشان تكون بوابة للشركات التشيكية للوصول لأسواق أفريقيا والشرق الأوسط وأوروبا.
والسؤال هنا: هل الشراكة دي هتتطور من تجارة بـ800 مليون دولار إلى استثمارات ومصانع مشتركة ترفع الصادرات المصرية؟
