استثمارات بتريليونات الجنيهات.. مصر تستهدف نموًا اقتصاديًا بـ5.4%

تريليونات الجنيهات ومصر بتحط مستهدف اقتصادي جديد للسنة المالية 2026/2027.

الحكومة بتستهدف توصل بمعدل النمو الاقتصادي لـ5.4%، باستثمارات إجمالية بتقرب من 3.7 تريليون جنيه.. لكن إيه القطاعات اللي هتقود النمو ده؟

الصناعة التحويلية في المقدمة، بمساهمة متوقعة تبلغ 29% من النمو المستهدف، وبعدها تجارة الجملة والتجزئة بنسبة 11.3%، ثم السياحة بـ9.3%، والتشييد والبناء بـ7.2%، والزراعة بنسبة 7%.

واللافت إن القطاع الخاص مستهدف يستحوذ على نحو 59% من إجمالي الاستثمارات، بقيمة حوالي 2.2 تريليون جنيه، مقابل 1.5 تريليون جنيه للاستثمارات العامة.

والخطة مش بتقف عند كده.. المستهدف كمان إن معدل النمو يرتفع تدريجيًا لحد 6.8% بحلول العام المالي 2029/2030.

السؤال بقى: هل الاستثمارات الضخمة دي هتتحول لزيادة حقيقية في الإنتاج وفرص العمل والصادرات؟ ده اللي هتحدده نتائج التنفيذ على أرض الواقع.