ترامب يهاجم سد النهضة: تمويل أمريكا للمشروع كان «غباء»
سد النهضة مشروع بتمويل امريكي وكان اغبى حاجة اتعملت.. تخيل كدا ان رئيس دولة زي أمريكا يطلع قدام الآلاف في مؤتمر انتخابي ويقول على مشروع كبير زي سد النهضة إنه اغبى حاجة اتعملت.
اهو ده مش تخيل خاالص ده فعلا اللي طلع دونالد ترامب قالت آخر ظهور له في تجمع انتخابي في نيويورك واللي قرر فيه يقلب الدنيا على إثيوبيا.
ترامب قالها بكل جراءة إن إثيوبيا بنت واحد من أكبر السدود في العالم وبفلوس وتمويل أمريكي واعتبر ان ده كان اغبى تصرف اتعمل.
ووضح إن السد ده بيقفل نهر النيل وبيقفل المياه عن مصر وقال ان اثيوبيا جمعت مياه النيل كلها في السد ده وده خلى نهر النيل بقى شبه خالي من المياه وده مش عادل على الإطلاق لمصر.
من ناحية تانية التصريحات دي بتيجي في توقيت حساس جدا بعد ما وزير الري المصري الدكتور هاني سويلم حسم الجدل وأكد إن المفاوضات مع الجانب الإثيوبي وصلت لطريق مسدود تماما بسبب المماطلة والمراوغة المستمرة ومبقاش فيه أي تواصل أصلا.
لكن وسط كل ده الدولة المصرية واقفة صلبة ومحددة خطوطها الحمراء بوضوح.. الأمن المائي مش هنسيب حد يمسه وأي محاولة للإضرار بالمواطن المصري هيقابها تحرك حاسم وقوي وفق قواعد القانون الدولي.
