تحويل الدعم من عيني لنقدي في 2027.. شعبة المخابز تكشف التفاصيل وأسعار العيش الحالية

الدعم هيتغير من عيني لنقدي بداية من 2027.. وده اللي كشفه خالد فكري، رئيس شعبة المخابز بالغرفة التجارية بالقاهرة.

أوضح فكري أن الحكومة بتتجه لتحويل شكل الدعم من الدعم العيني للدعم النقدي، على أن يبدأ تطبيق النظام الجديد بداية من العام المقبل.

وبالنسبة لرغيف العيش المدعم، المواطن حاليًا بيصرف الرغيف بـ20 قرش، ومش بيتحسب بالسعر اللي كان متداول قبل كده.

أما العيش السياحي، فهو الأكثر تأثرًا بأسعار الدقيق، والأسعار الحالية للرغيف وزن 80 جرام جنيهين، ووزن 60 جرام جنيه ونص، ووزن 40 جرام جنيه واحد.

وبالنسبة للعيش الفينو، فسعر وزن 50 جرام جنيهين، ووزن 40 جرام جنيه ونص، ووزن 30 جرام جنيه.

وأكد أن الأسعار دي معمول بيها خلال الشهر الحالي، وأي مخبز يخالفها بيتعرض للإجراءات القانونية.