موبايلك ضاع أو اتسرق؟.. 4 خطوات تقفل الباب على سرقة فلوسك وبياناتك

موبايلك ضاع أو اتسرق؟ متستناش.. لأن موبايلك مش بس فيه صور وذكريات، ده ممكن يكون مفتاح لحساباتك وفلوسك.

أول خطوة: اقفل الموبايل عن بُعد من خلال خدمة العثور على جهازك، وحاول تحدد مكانه لو كان متصل بالإنترنت.

تاني خطوة: اتصل بشركة المحمول ووقف الشريحة، خصوصًا لو الشريحة مرتبطة بحساباتك البنكية أو بتستقبل أكواد التحقق.

تالت خطوة: غير كلمات سر الحسابات المهمة فورًا، خصوصًا البريد الإلكتروني وحسابات السوشيال والحسابات المالية.

رابع خطوة: تواصل مع البنك والمحافظ الإلكترونية المرتبطة بالموبايل، واطلب تأمين الحسابات أو إيقاف الخدمات لو فيه أي احتمال لاستغلال الجهاز.

والأهم.. لو الموبايل اتسرق، متروحش تواجه السارق بنفسك، وبلغ الجهات المختصة واحتفظ ببيانات الجهاز زي الرقم التسلسلي أو IMEI لو متاح.