محاصيل بإنتاج أعلى ومياه أقل.. مصر تبدأ ثورة جديدة في أصناف الأرز والقمح والقطن

مصر بتغير شكل الزراعة.. أصناف جديدة من الأرز والقمح والقطن بإنتاجية أعلى واحتياجات مائية أقل.. الفكرة ببساطة إن الدولة بتوسع الاعتماد على أصناف محسنة، هدفها تحقيق أكبر إنتاج ممكن من نفس مساحة الأرض، وفي نفس الوقت ترشيد استهلاك المياه.

وخطة التنمية بتستهدف رفع إنتاجية الفدان من الحاصلات الزراعية بنسبة تتراوح بين 5 و10%، من خلال استنباط أصناف عالية الإنتاجية وقليلة الاحتياج للمياه.

وفي القمح، تم تطوير أصناف زي "مصر 3" و"مصر 4"، وأصناف "سخا 95 و96" الموفرة للمياه، بالإضافة لأصناف مبكرة النضج ومتحملة للظروف المناخية.

والأرز كمان داخل في الخطة، مع تطوير أصناف جديدة عالية الإنتاجية وأقل استهلاكًا للمياه، من بينها أصناف السوبر العملاق اللي بتتميز بقدرتها على تحمل فترات نقص المياه والري المتقطع.

أما القطن، فالتوجه بيستهدف تحسين الإنتاجية وجودة المحصول، مع التوسع في الأصناف اللي تناسب الظروف المناخية وتحقق عائد أعلى من وحدة الأرض والمياه.

والنتيجة المستهدفة مش مجرد محصول أكتر.. لكن استخدام أفضل للمياه والأرض، وتقليل الفاقد، وزيادة إنتاج المحاصيل الاستراتيجية محليًا.

يعني مصر بتحاول تدخل مرحلة جديدة في الزراعة: إنتاج أكتر.. بمياه أقل.. ومن نفس الأرض.