بعد قرار الفيدرالي.. إيه اللي ممكن يحصل لأسعار الذهب الفترة الجاية؟

الفيدرالي الأمريكي رفع سعر الفايدة 25 نقطة أساس، لتتراوح بين 3.75% و4%، وده أول رفع للفائدة من أكتر من 3 سنين، في ظل استمرار الضغوط التضخمية في أمريكا.

القرار ده ممكن يضغط على أسعار الذهب، لأن رفع الفايدة بيقوي الدولار، وكمان بيخلي السندات والودائع والأصول اللي بتقدم عائد أكتر جذبًا للمستثمرين.

والذهب بطبيعته مش بيدي عائد دوري، وبالتالي ارتفاع الفايدة بيزود تكلفة الاحتفاظ بيه مقارنة بالأصول المدرة للعائد، وده ممكن يقلل الطلب عليه.

لكن في المقابل، الذهب مش بالضرورة يتراجع مع رفع الفايدة، لأن فيه عوامل تانية ممكن تدعم أسعاره، أهمها ارتفاع التضخم لمستويات كبيرة، والمخاطر الجيوسياسية والحروب والأزمات.

وكمان زيادة المخاوف من الديون الحكومية والأوضاع المالية ممكن تدفع المستثمرين للذهب كملاذ آمن، خصوصًا وقت ارتفاع حالة عدم اليقين في الأسواق.