من 150 لـ300 جنيه.. أسعار اشتراك المترو للطلاب وأهم الأوراق المطلوبة

لو ابنك طالب وبيستخدم المترو كل يوم، فاشتراك المترو ممكن يوفر عليك جزء كبير من تكلفة المواصلات، خصوصًا مع بداية العام الدراسي الجديد.

مكاتب اشتراكات المترو بتستقبل الطلاب والمواطنين يوميًا من الساعة 7 الصبح لحد 8 بالليل، وطبعًا الأفضل تطلع الاشتراك بدري عشان تتجنب الزحمة.

وبالنسبة للأسعار، اشتراك منطقة واحدة بـ150 جنيه، ومنطقتين بـ200 جنيه، و3 مناطق بـ250 جنيه، أما 4 مناطق فسعرها 300 جنيه.

ولاستخراج الاشتراك، هتحتاج استمارة بـ5 جنيهات، وتتختم بخاتم شعار الجمهورية من المدرسة أو الكلية، بالإضافة لصورتين شخصيتين، وصورة البطاقة أو شهادة الميلاد الرقمية للطلاب أقل من 16 سنة.

والاشتراكات متاحة في محطات كتير على الخطوط الثلاثة، زي حلوان، الشهداء، العتبة، جامعة القاهرة، المرج، عدلي منصور وغيرها، والدراسة بدأت يوم 12 سبتمبر وتستمر لحد 24 يونيو 2027.