7.4 مليار دولار.. صادرات مصر الرقمية تكسر أرقامًا قياسية

مصر مش بس بتصدر منتجات وسلع.. دلوقتي "العقول والخدمات الرقمية" كمان بقت مصدر مهم للدولارات.

صادرات مصر الرقمية ارتفعت إلى 7.4 مليار دولار خلال 2025، مقابل 6.9 مليار دولار في 2024، بنمو حوالي 7.2%.

والقفزة الأكبر كانت في صادرات خدمات التعهيد، اللي وصلت إلى 5.2 مليار دولار خلال 2025، بعد ما كانت 2.4 مليار دولار في 2022، يعني أكتر من الضعف خلال 3 سنين.

والدولة مستهدفة توصل بصادرات خدمات التعهيد لحوالي 6 مليارات دولار خلال 2026.

الأرقام دي بتعكس التحول الكبير اللي بيشهده قطاع الاتصالات وتكنولوجيا المعلومات في مصر، واللي بقى من أسرع القطاعات نموًا في الاقتصاد المصري.

والرسالة الأهم؟
مصر بتتحرك بقوة علشان تتحول لمركز إقليمي لتصدير الخدمات الرقمية والتكنولوجية للأسواق العالمية.