لو عداد الكهرباء رفض يشحن.. متكررش الغلطة دي
لو رحت تشحن كارت عداد الكهرباء، وفجأة الجهاز رفض يشحنه.. متفتكرش علطول إن الكارت بايظ أو العداد فيه عطل.
في سبب بسيط جدًا بيقع فيه ناس كتير.
لو الكارت لسه عليه شحنة قديمة أو بياناتها متفرغتش في العداد، مش هيقبل أي شحنة جديدة.
الحل إنك تحط الكارت الأول في العداد لحد ما يقرأ البيانات، وبعدها تروح تشحنه من جديد.
وبرضه لو الكارت جديد لأول مرة، لازم تدخله في العداد وهو فاضي علشان يتفعل، وبعدها تقدر تشحنه بشكل طبيعي.
ومن الأسباب كمان إن الشريحة النحاسية تكون متسخة، أو إنك بتحاول تستخدم كارت مش خاص بنفس العداد، أو يكون الكارت تعرض للتلف.
ولو عملت كل ده ولسه المشكلة موجودة، يبقى الأفضل تتوجه لشركة الكهرباء علشان يفحصوا الكارت أو يعملوا إعادة تهيئة ليه إذا لزم الأمر.
قبل ما تقلق وتفتكر إن العداد اتعطل.. جرب الخطوات البسيطة دي الأول، لأنها في أغلب الحالات هي الحل.
