لو أخدت إجازة مرضية.. مرتبك هيتخصم منه ولا لأ؟

لو تعبت واضطريت تاخد إجازة مرضية.. هل مرتبك هيقل؟ الإجابة: مش بالضرورة.

قانون العمل الجديد بيقول إن الإجازة المرضية حق للموظف، لكن قيمة المبلغ اللي هيحصل عليه أثناء الإجازة مش ثابتة في كل الحالات، لأنها بتتحدد وفقًا لقانون التأمينات الاجتماعية ونوع جهة العمل. 

وفي حالة العاملين بالمنشآت الصناعية، القانون حدد نظامًا مختلفًا، بحيث يستحق العامل خلال فترات معينة من الإجازة المرضية أجرًا كاملًا، ثم نسبًا أقل إذا امتدت الإجازة، بشرط اعتماد الحالة من الجهة الطبية المختصة. 

وكمان، لو عندك رصيد من الإجازات السنوية، تقدر تطلب تحويل الإجازة المرضية لإجازة سنوية، وفقًا للقواعد المنظمة. 
يعني ببساطة.. الإجازة المرضية مش معناها تلقائيًا خصم من المرتب، لكن قيمة اللي هتتقاضاه بتختلف حسب حالتك، ومدة الإجازة، ونظام التأمينات المطبق عليك.