لو شركتك هتندمج.. التأمينات الاجتماعية تعلن الإجراءات والمستندات المطلوبة رسميًا

لو عندك شركة أو بيزنس وهيتم دمجه مع شركة تانية.. لازم تعرف إن التأمينات الاجتماعية أعلنت إجراءات مهمة جدًا لازم تتعمل رسميًا

أول حاجة:
المنشأة الدامجة لازم تبلغ التأمينات خلال أسبوعين فقط من قرار الدمج، عن طريق نموذج رقم 13 الخاص بدمج المنشآت.

وكمان لازم تقدم:
قرار الدمج معتمد
وبيانات كل العاملين
وأرقامهم التأمينية
والمرتبات الشهرية
وأي أقساط مستحقة للتأمينات.

ولو الشركتين تابعين لنفس مكتب التأمينات:
لازم يتم تسوية الاشتراكات بالكامل لحد تاريخ الدمج، وكمان تقديم نموذج الاشتراك الجديد شامل كل الموظفين حتى العمال اللي تم نقلهم.

أما بالنسبة للعاملين؟
أرقامهم التأمينية هتفضل زي ما هي بدون تغيير، وهيتم نقلهم تلقائيًا على ملف المنشأة الجديدة.

لكن لو كل شركة تابعة لمكتب تأمينات مختلف:
ساعتها الهيئة هتكتفي بتعديل الاسم القانوني فقط، وكل منشأة هتحتفظ برقمها التأميني الحالي.

علشان كده أي شركة داخلة على خطوة دمج لازم تراجع ملف التأمينات بدقة قبل تنفيذ القرار.