لو كارتك بيخلص بسرعة؟.. اعرف الطريقة الصح اللي توفر فلوسك وتحافظ على العداد

قبل ما تشحن عداد الكهرباء.. وفر فلوسك واعرف الطريقة الصح.

كلنا بنستسهل ونشحن كارت الكهرباء من الموبايل أو ماكينات الدفع الإلكتروني عشان السرعة.

بس خليني اقولك أن شركة الكهرباء وضحت فروق مهمة جداً لازم تعرفها الشحن من فروع الشركة مش بس بيضيف رصيد ده كمان بيعمل تحديث كامل لبيانات العداد وبيربط التوقيت والإعدادات صح.

كمان الشحن من الفرع بيعتبر الأوفر ليك لأنك بتدفع قيمة الرصيد والرسوم الرسمية بس من غير أي رسوم إضافية زي اللي بتدفعها في خدمات الدفع الإلكتروني.

ده غير إن الفرع بيديك تفاصيل كاملة عن استهلاكك ومستحقاتك وده مبيحصلش في الشحن السريع
نصيحة مهمة جداً.

استعمل الشحن الإلكتروني وقت الزنقة بس لكن لازم تروح الفرع مرة كل 3 أو 4 شهور عشان تعمل تحديث شامل للعداد وده بيضمن إن حساباتك دقيقة وبتتجنب أي أعطال فنية ممكن تحصل وكمان بتأمن استهلاك بيتك.