لازم هتزيد.. شوف الأسباب اللي هتخلي الحكومة ترفع أسعار شرائح الكهرباء
الزيادات الجديدة في اسعار البنزين والسولار هيكون وراها زيادات جديدة في اسعار تانية أولهم زيادة اسعار شرائح الكهرباء .. ياتري هل الدولة هتقر زيادات جديدة في اسعار الشرائح وامتي هتكون الزيادات الجديدة.
اتعودنا ان اي زيادة في اسعار البنزين والسولار بيكون وراها زيادة جديدة في اسعار السلع والخدمات وبيكون وراها زيادات جديدة لحاجات تانية جديدة في مصر أهمهم اسعار شرائح الكهرباء واللي متوقع في الفترة اللي جاية انها تشهد زيادات جديدة في شرائح الاستهلاك علي الرغم من تاكيد وزير الكهرباء والطاقة المتجددة محمود عصمت أن الوزارة مش بتفكر حاليا في اقرار زيادات جديدة في اسعار الشرائح وان الوزارة لحد اللحظة دي مجتش لها توجيهات من مجلس الوزراء بمناقشة زيادات جديدة في اسعار الشرائح خلال الفترة اللي جاية.
شرائح الكهرباء الحالية واللي الدولة شغالة بيها من شهر أغسطس 2024 موعد انتهاء العمل بيها وفقا لجهاز تنظيم مرفق الكهرباء وحماية المستهلك هيكون مع نهاية شهر يونيو اللي جاي يعني في غضون55 يوم من الأن والمفروض خلال الفترة دي يكون جهاز تنظيم مرفق الكهرباء وحماية المستهلك خلال الفترة دي انتهي من مناقشة خطة التسعير خلال الفترة اللي جاية، والزيادات الجديدة اللي هتكون علي الشرائح.
طيب النسب اللي هتقرها وزارة الكهرباء علي شرائح الاستهلاك هتوصل لكام؟.
الدكتور محمود عصمت وزير الكهرباء والطاقة المتجددة لما اتسال عن موعد مناقشة خطة التسعير الجديدة لشرائح الاستهلاك قال ان الوزارة حتي الأن ملتزمة بخطة تسعير الشرائح اللي شغالة بيها من شهر أغسطس 2024، وانها متلقش اي تعليمات جديدة باقرار اي زيادات علي اسعار الشرائح من مجلس الوزراء خصوصا أنه هو الجهة اللي بتقر للوزارات والجهات في مصر مناقشة اقرار زيادات جديدة في الأسعار أو رفض اقرار اي زيادات.
الفترة اللي جاية الاعباء المالية علي وزارة الكهرباء والطاقة المتجددة هتزيد، خصوصا بعدالزيادات الجديدة في اسعار البنزين والسولار واللي الدولة اقرتها من كام ساعة، وده هيؤدي لتراكم ميدونية جديدة علي الكهرباء لوزارة البترول والثروة المعدنية واللي هتكون بتاع الوقود اللي الكهرباء بتستهلكه علي لتشغيل محطات الوقود وبالتالي خلال الايام اللي جاية وزارة الكهرباء هتكون مضطره لزيادة الاسعار علشان تسدد مديونياتها وكمان مواجهة الارتفاع العالمي في اسعار المحروقات.
