موعد ونسب الزيادة المتوقعة في أسعار البنزين والسولار الجديدة
الشارع المصري كله حاليا بيسال عن الزيادات الجديدة في أسعار البنزين والسولار، ياتري هتوصل لكام وامتي هتعلن الزيادات الجديدة في الأسعار، والزيادة هتوصل لكام.
زيادات أسعار السلع والخدمات واحدة من الحاجات اللي بتهم كل مواطن مصري في اي وقت واي زمان، خصوصا لو متعلقة بالبنزين والسولار خصوصا أن دول بيتوقف عليهم وجود ارتفاعات تانية في اسعار كل الخدمات والسلع اللي بيحصل عليها المواطنين.
طيب الاجتماع الجديد للجنة تسعير المواد البترولية هيكون امتي، واية القرارت اللي متوقع تخرج عنه؟.
وزارة البترول والثروة المعدنية قالت أنه لجنة تسعير المواد البترولية هتعقد اول اجتماع لها في 2025 في الأسبوع الأول من أبريل الجاري، وده بعد توقف عملها لـ6 شهور كاملة بسبب تويحهات الرئيس السيسي بتطبيق اي زيادات جديدة في الاسعار خلال الفنرة اللي فاتت .
كل التوقعات حاليا بتقول أن وزارة البترول والثروة المعدنية حسمت مصير الزيادات الجديدة، وهيبدا تطبيقها اعتبارا من الساعات الأولي من يوم الجمعة اللي جاي يعني خلال اقل 48 ساعة من الآن، وكل التاكيدات بتقول أن اسعار البنزين والسولار في مصر هتشهد ثلاث زيادات إضافية لحد شهر ديسمبر 2025، ان الزيادات في كل مرة مش هتتجاوز 1، وده في أطار خطة الحكومة لرفع الدعم تدريجيا عن الوقود مع نهاية العام وفقا لقرارات مجلس الوزراء برفع الدعم بشكل كامل عن المواد البترولية بنهاية العام.
علي الرغم من الزيادات الجديدة اللي الحكومة هتقرها علي اسعار البنزين والسولار، لكن برضوا الدولة هتبقي علي دعم جزئي لبعض المواد البترولية بسبب ارتباطها بحياة المواطن اليومية، خصوصا أن السولار بيعد أول بند لحياة النقل والصناعة، وارتفاع أسعاره هياثر على اغلب احتياجات المواطنين اليومية، وان في توجيهات مباشرة بالإبقاء على دعم جزئي للسولار حتي بعد انتهاء خطة رفع الدعم نهائيا عن المواد البترولية وبيعها للمواطنين بأسعارها الرسمية، خصوصا أن السولار بالذات له تأثيره مباشر على أسعار السلع اللي بيحصل عليها المواطنين.
ولازم نكون عارفين أن في بندين مهم جدا هيكونوا السبب الرئيسي في قرار الحكومة بضرورة تحريك اسعار البنزين والسولار في مصر أولهم التزام مصر بخطة رفع الدعم واللي اقرتها مع صندوق النقد الدولي وتاني سبب هو ان مصر حاليا بتستورد أكثر من 40% من احتياجاته من المواد البترولية من الخارح، وده عمل اعباء اضافية علي فاتورة مصر الاستيرادية.
