خدمات كتيرة وسحب يصل لـ400 الف جنيه.. أهم خدمات انستاباي للجمهور
تطبيق انستاباي واحد من اهم التطبيقات اللي موجودة علي تليفون كل مواطن في الوقت الحالي، ياتري اية هيا الخدمات اللي بيقدمها التطبيق للمواطنين وازاي العملاء يقدروا يستخدموه بشكل أمن ويحفظ فلوسهم.
تطوير الخدمات الرقمية واحج من اهم الحاجات اللي البنك المركزي اشتغل عليها في الفترة اللي فاتت، وده بهدف راحة ورفاهية المواطنين، ومن المنطق ده البنك المركزي دشن تطبيق انستاباي واللي قدر في وقت قصير قوي أنه يكون موجود علي تليفون كل مواطن مصري بسبب الخدمات اللي بيقدمها للجهور دي غير وسائل الأمان اللي موجوده عليه.
طيب اية هو تطبيق انستاباي واية هيا الخدمات اللي بيقدمها للمواطنين ؟
تطبيق انستاباي واحد من التطبيقات اللي البنك المركزي دشنها مؤخرا، وبيقدم خدمات كتيرة جدا للجمهور وبشكل مجاني وابرز الخدمات اللي بيقدمها هيا تحويل الفلوس، وارسال طلبات الدفع ودفع فواتير، وكمان دفع التبرعات ده غير خدمات إدارة الحاسبات للناس اللي عندها اكثر من حساب في البنوك.
اما بقي الناس اللي بتسال علي المميزات اللي بيقدمها التطبيق عن باقي تطبيقات البنوك، فالتطبيق بيدي ميزة للعملاء لربط كل الحسابات البنكية في تطبيق واحد وبسهولة جدا يقدر اي مواطن يدخل عليه، وتحويل واستقبال الفلوس من أي بنك أو محفظة إلكترونية، ده غير بطاقات ميزة مسبقة الدفع والتحويلات كلها بتم عن طريق رقم الهاتف أو عنوان الدفع اللحظي، ده غير أن التطبيق بيوفر اكثر من طريقة لتحويل الفلوس سواء كانت برقم الهاتف أو برقم الحساب البنكي أو برقم بطاقة ميزة أو برقم الحساب المصرفي، وكمان بيدي ميزة تأمين لكل المعاملات خصوصا أن التسجيل على التطبيق بيتطلب أن يكون كل البيانات مطابقة لبيانات العملاء المسجلة في البنوك، وكمان بيدي ميزة استقبال الأموال بشكل لحظي من لحظة إرسالها من أي جهة أو عمليات التحويل .
نيجي بقى لحدود السحب نن انستا باي واللي بيشغل بال ناس كتير، خاصة بعد تعديل الحد الأقصى للمعاملات اليومية والشهرية، والحد الأقصى للمعاملة الواحدة على التطبيق الرقمي، وفق القواعد المنظمة لخدمات تطبيق المدفوعات اللحظية، إنستا باي، أو المنظومة الوطنية للمدفوعات اللحظية.
وفي آخر تحديث للبنك المركزي المصري، فحدود السحب من تطبيق إنستا باي بتتفاوت وبيوصل الحد الأقصى للسحب للمعاملة الواحدة لـ 70 ألف جنيه، والحد الأقصى للمعاملات في اليوم بتوصل لـ 120 ألف جنيه، وعلى مدار الشهر لازم السحب مايزيدش عن 400 ألف جنيه.
