هتوفر ارقام مهولة من الدولار... الحكومة ناوية على ايه في ملف الاستثمار في قطاعات التعليم
تطوير التعليم في مصر مبقاش متوقف علي تطوير المدارس والفصول، لا حياة بقي هدف اقتصادي استثماري للاقتصاد المصري.. يا ترى اية حكاية الكلام ده.. واية خطة الحكومة للاستثمار في التعليم.
علي مدار السنين اللي فاتت التعليم في مصر كانت متوقف علي المدارس والجامعات الحكومية في وقت كان العالم كله بتيجه لتطوير التعليم عن طريق اتاحة انواع مختلفة من مراحل التعليم، وكان الدول الخارجية فيها اكثر من نوع تعليمي متميز بيخدم كل طوائف المجتمع ومع تطور الوقت تحول التعليم لهدف استثماري للدول بيساهم في الدخل القومي لهم.
طيب اية عملته الحكومة في ملف التعليم وازاي الحكومة فتحت الاستثمارات في قطاع التعليم ؟.
الحكومة المصرية بدات تكرر تجارة الدولة الرائدة في ملف التعليم حوالين العالم، وفتحت الاستثمارات الخاصة في قطاع التعليم، وحاليا مصر بقت فيها أنواع كتيرة من المدارس والجامعات الخاصة اللي بقت في بتنافس كبري الجامعات الدولية الخارجية .
الاستثمار الخاص جه في قطاع التعليم بعد ما الحكومة لقت أن عدد كبير من ابناء المصريين بيسافروا لدول خارجية برا علشان يحصلوا علي تعليم معين هما عايز يكونوا حاجة فيه خصوصا مجالات الذكاء الاصطناعي وعلوم الحاسب وغيرها من المجالات الطبية والهندسية.
الخطة الاستثمارية لقطاع التعليم بتستهدف الوصول الوصول لجامعة حكومية علي الاقل في كل محافظة علشان يوصل إجمالي عدد الجامعات المصرية لـ100 جامعة في 2030 ده غير إنشاء 6 جامعات تكنولوجية جديدة، ووضع مسار تعليمي جديد من التعليم الفني يوازي المسار الجامعي لتطوير الخرجيين علشان يكونوا قادرين علي الدخول لسوق العمل.
الخطة كمان تضمنت إضافة 12 جامعة أهلية، ودخول الجامعة المصرية اليابانية خصوصا أن قطاع التعليم تحول مع الوقت كهدف ثانوي للدولة لدعم السياحة الوافدة من الخارج واللي جاية مصر بهدف التعلم، زي ما بيحصل في مؤسسة الازهر الشريف واللي بقت بتستقطب طلاب من كل دول العالم للدخول في مصر للتعليم بالأزهر الشريف.
التحول الحكومي اللي الدولة بدأت تطبيقه، هيوفر علي مصر مئات المليارات من الدولارات كان أولياء الأمور بيحتاجه سنويا علشان يدفعوا مصاريف الدارسة ده غير مصاريف الأقامة والمصروفات الخاصة اللي بيحتاجها الطلاب اثناء فترة الدارسة هناك .
