استثمارات صينية هتغير خريطة التصدير المصري.. شوف ايه الحكاية
مصر في الوقت الحالي بتعد من أهم الدول الاستثمارية للشركات وروؤس الأموال الأجنبية، وفي الفترة اللي فاتت مصر استقبلت عدد كبير من المشروعات أبرزها الصينية هتغير خريطة الاستثمار في مصر.. ياتري اية هيا المشروعات دي.. و ازاي مصر هتستفاد منها.
الدرس اللي اخذته مصر لما عدد كبير من الشركات الأجنبية غادرت السوق المصري وراحت للاسواق المنافسة، والمغادرة دي عملت ازمة اقتصادية كبيرة للاقتصاد المصري، وعلشان الحكومة ترجع الشركات دي تاني للسوق المصري كان لازم يكون في حاجة تشد الشركات دي مرة تانية للسوق المصري، والحاجة دي كانت لازم تكون حاجة مختلفة محدش قدمها قبل كده.
وعلشان الدولة توصل لهدفها كان لازم تقدم المصباح السحري اللي هيخطف عين كل مستثمر بيدور علي مكان كويس يبني فيه مشروع استثماري يكسب منه فلوس ويكبر منه رأس ماله الخاص، وبالتالي مصر قدمت تسيهلات كبيرة للمستثمرين الأجانب في تخصيص الأراضي وتقديم التسهيلات اللازمة للحصول علير تراخيص بناء وتشغيل المشروعات وكمان قدرات كبيرة علي التصدير لكل اسواق العالم من خلال استغلال العلاقات الدبلوماسية والسياسية المصرية مع دول العالم الخارجي.
طيب اية حكاية المشروعات الصينية اللي دخلت مصر في الوقت اللي فات بعد التسهيلات الكبيرة اللي قدمتها مصر للقطاع الخاص؟.
التسهيلات اللي قدمتها مصر للقطاع الخاص كانت اداه مصر لجذب عيون اصحاب الاستثمار ورؤس الأموال الاجنبية للدخول للسوق المصري، واحد من اهم الاستثمارات في مصر هيا دولة الصين واللي بتعد من اول واكبر الدولة صاحبة الاستثمارات في مصر، ووصل عدد الشركات الصينية العاملة في مصر لـ 2066 شركة صينية باستثمارات وصلت لـ 8 مليارات دولار في قطاعات كتيرة جدا زي المنسوجات والملابس والأجهزة المنزلية والأعلاف الحيوانية، والشركات الصينية دي بقت حاليا بتقدم تقدم ملموس ونتائج كبيرة في الاستثمار المباشر والإنتاج والتصدير للخارج.
الحكومة في الوقت الحالي بتستهدف زيادة الاستثمارات الصينية المباشرة لأكثر من مليار دولار، خصوصا أن العلاقات بين مصر والصين وصلت لدرجة كبيرة جدا من التنسيق بين القيادتين السياستين في البلدين وبقي بينهم عدد كبير من المجالات الاقتصادي زي منتدي الاعمال المصري الصيني، ده غير أن الدولتين بقوا اعضاء من تكتل البريكس ورغبة الصين في تعزيز وجودها في السوق الأفريقي عن طريق مصر واللي لها القدرة علي الوصول لاغلب الاسواق الأفريقية من خلال علاقات مصر الدبلوماسية والمراكز اللوجيتسية اللي بتمتلكها مصر في اغلب اسواق الدول الأفريقية .
وخلال الكام ساعة اللي فاتوا مصر استقبلت رافد جديد للاستثمارات الصينية في مصرن والحكومة وقعت عقود حق انتفاع نهائية لـ 15 مشروع بالقنطرة غرب، ووضعت حجر الأساس لـ 5 مشروعات منهم بمعدل تصدير هيوصل لـ 80% لأوروبا وامريكا الشمالية والجنوبية من خلال ميناء غرب بورسعيد باستثمارات هتوصل لأكثر من 10 مليار دولار .
