موسم مهم وفيه اقبال كبير.. ليه الدولة مهتمة بالسياحة العربية في شهر رمضان؟
شهر رمضان واحد من الشهور المميزة للسياحة المصرية، واللي مصر بتشهد فيه زيادة كبيرة من الحركة الوافدة من الخارج.. ومصر حاليا بدأت تجهز للشهر ده من بدري.. ياتري اية اللي بتعمله مصر لزيادة الحركة السياحية.. ومصر مستهدفة توصل لكام سائح.
شهر رمضان واحد من الشهور المميزة جدا للسياحة المصرية، واللي فيه حركة السياحة الوافدة لمصر بتزيد بشكل كبير، خصوصا في الدول العربية وتحديدا دول الخليج العربي ومجلس التعاون الخليجي، وده بسبب ان الأجواء الرمضانية بتكون مختلفة في مصر عن كل دول العالم، علشان كده في ناس كتيرة من مواطني الدول العربية يكونوا حريصين علي النزول لمصر في شهر رمضان والاستمتاع بالاجواء الرمضانية في مصر.
وعلشان شهر رمضان بيكون شهر مميز للسياحة المصرية، الدولة ممثلة في وزارة السياحة بدأت تستعد له من بدري، وعملت حملات ترويجية عن اجواء شهر رمضان في مصر، وهتبدأ تبثها في الدول العربية ودول مجلس التعاون الخيلجي خلال ايام بسيطة جدا، والهدف منها ابراز الروحانيات اللي موجودة في مصر، وكمان الخدمات اللي بتقدمها الفنادق للنزلاء في شهر رمضان زي الخيام الرمضانية والفقرات الفنية اللي بتكون حاجة مميزة في شهر رمضان والليالي الرمضانية وحفلات الأفطار والسحور، ده غير الأجواء اللي مش موجودة غير في مصر في احياء وحواري مصر القديمة في شارع المعز والأزهر والحسين، خصوصا أن القاهرة بتكون الوجهة السياحية الأولي للسائحين في شهر رمضان بسبب الاجواء الرمضانية.
طيب اية حكاية زيارة وزير السياحة والأثار لقطر، وليه جت في التوقت ده بالذات؟.
شريف فتحي وزير السياحة والأثار حاليا في زيارة مهمة جدا لدولة لقطر للمشاركة في أجتماعات اللجنة الإقليمية للشرق الأوسط التابعة لمنظمة الأمم المتحدة للسياحة، وقبل الاجتماعات دي، الوزير عمل اجتماعات مع المسئولين عن السياحة في قطر لبحث سبل زيادة السياحة القطرية الوافدة لمصر.
وزير السياحة والأثار في مشاووراته ومناقشته مع المسئولين القطرين ركز علي اكثر من حاجة لها اهتمامات عن السائح العربي والقطري خصوصا الافتتاح المرتقب للمتحف المصري الكبير واللي العالم كله حاليا بيسال عنه، وعايزين يشوفوا العظمة الجديدة اللي هتعملها مصر بعد العرض الكبير اللي قدمته الدولة المصرية في نقل الموامياوات الملكية وافتتاح طريق الكباش.
