قرار حكومي جديد هيخلي الاستثمارات الأجنبية في مصر زي الرز.. شوف إيه الحكاية ؟
مصر في الوقت الحالي من اكثر الدول استقبالا للاستثمارات الأجنبية، لكن الحكومة من كام ساعة أخذت قرارا هيخلي الاستثمارات الاجنبية اللي جاية مصر زي الأرز.. ياتري اية هو القرار ده.. وتأثيره ايه على الاستثمارات الأجنبية في مصر.
مع بداية الفترة الرئاسية الجديدة للرئيس عبدالفتاح السيسي، صدرت توجيهات للحكومة بتسهيل دخول الشركات والاستثمارات الاجنبية لمصر، خصوصأ ان الاستثمارات دي هتكون اداه من ادوات الحكومة في تقليل الاستيراد وزيادة التصدير، وده بسبب ان الاستثمارات دي بتكون عبارة عن مشروعات ومصانع هتنتج منتجات بيحاتها السوق المحلي ، وكمان هيكون فيها فائض للتصدير وبكده هتوفر كمان دولار في الناتج القومي المصري.
وعلشان الدولة ترجع تجذب انظار المستثمرين ورؤوس الأموال الأجنبية علشان يرجعوا يشوفوا السوق المصري كان لازم تكون في شمعة منورة تجذب عينهم، وده اللي حصل والشمعة دي كانت حوافز كبيرة قدمتها الحكومة للمستثمرين مش موجودة في اي دولة تانية والحوافز دي عبارة عن تسهيلات كبيرة في تخصيص والحصول علي الأراضي لاقامة المشروعات، وكمان تسهيلات في الحصول علي التراخيص اللازمة للبناء والتشغيل، وعلشان كده الحكومة عملت حاجة اسمها الرخصة الذهبية ودي الحكومة بتمنحها للمستثمرين ورؤوس الأموال الأجنبية وبتكون عبارة عن موافقة واحدة ومباشرة لبدء البناء والتشغيل بدون اللف علي المصالح والهيئات الحكومية علشان المستثمر ياخذ موافقة علي بدء وتشغيل المصنع أو الشركة اللي هيشغلها في السوق المصري.
التحفيزات اللي عملتها الحكومة خلت نسبة كبيرة من الاستثمارات الأجنبية تدخل السوق المصري في كل الصناعات، وبقت السوق المصري سوق جاذب لكل المستثمرين الأجانب، خصوصا أن قرارات تخصيص الأراضي بتكون في مناطق عليها العين زي المنطقة الاقتصادية لقناة السويس وفي المحافظات وبتكون قريبة من مراكز التصدير علشان المستثمر يقدر يصنع وينتج ويصدر بمنتهي السهولة بدون مشاكل في النقل، وحتي لو المستثمر عايز ياخذ ارضه بيعيده شوية عن مراكز التصدير سواء كانت مؤاني أو مطارات، فالدولة في السنين اللي فاتت اهتمت بشكل كبير جدا بالطرق والكباري وعملت نهضة عمرانية كبيرة جدا محصلتش في مصر من مئات السنين، وحاليا يقدر المستثمر يبني وينصع ويشتغل برخصة واحدة اسمها الرخصة الذهبية، وكمان ياخذ تسهيلات في التصدير واللي حصلت بتسهيلات قدمتها الدولة في الافراج الجمركي والعالم كله بيكون مفتوح قدامه بسبب العلاقات السياسية والدبلوماسية الجيدة من اغلب دول العالم وبالتالي كل الاسواق مفتوحة قدامه للتصدير.
طيب اية هو القرارات الجديدة للحكومة لزيادة اقبال المستثمرين علي السوق المصري؟.
من كام ساعة الدكتور مصطفي مدبولي رئيس مجلس الوزراء عمل اجتماع مع الحكومة ووجهم بمنح تحفيزات وتسهيلات جديدة لدخول واستقبال استثمارات اجنبية جديدة خصوصا في المجالات والصناعات اللي السوق المحلي متاجها وده بهدف وجود فائض في الانتاج المحلي من السلع وكمان التصدير للخارج لتعظيم الفاتورة التصديرية لمصر.
