طوق نجاة للاقتصاد.. إيه اللي هيحصل بعد خفض أسعار الفايدة؟
أيام قليلة قوي والبنك المركزي هيعقد اجتماع جديد لمناقشة اسعار الفايدة.. بس أنت عمرك سالت نفسك عن تاثير اسعار الفايدة علي الاستثمار في مصر، واية الافضل بالنسبة للاقتصاد المصري؟
من فترة للتانية بنسمع ان لجنة السياسات النقدية بالبنك المركزي هتعمل اجتماع لمناقشة اسعار الفايدة، واغلبها كل معرفته عن اسعار الفايدة قايم علي شهادات الأدخار خصوصا لو معاه قرشين وحاططهم في شهادة ادخار في البنك، وبيكون اهتمامه علشان يحدد هو هيكسب كام من الشهادة وفقا لاسعار الفايدة الجديدة، لكن محدش بيسال نفسه لاية اصلا البنك المركزي بيعمل اجتماع لمناقشة اسعار الفايدة، وهل اسعار الفايدة لها ميزة بالنسبة للاقتصاد المصري.
طيب ايه تأثير رفع أو خفض اسعار الفايدة علي الاقتصاد المصري؟
الارتباط الرئيسي باسعار الفايدة بيكون مرتبط بنسبة التضخم وكل ما النسبة بتترفع اسعار الفايدة بتترتفع ولو النسبة انخفضت اسعار الفايدة بتنخفض معاه، وحاليا نسبة التخضم منخفضة في مصر، علشان كل اغلب التوقعات بتاأكد ان الاجتماع الجديد للجنة السياسات النقدية واللي هيكون يوم 20 فبراير الحالي هتطلع قرار بخفض اسعار الفايدة علي الشهادات، ده غير أن رفع اسعار الفايدة بيكون له تاثير سلبي علي المواطن في زيادة تكاليف لو اخذ قرض من البنوك، وبيكون سبب اساسي في زيادة تكالف المعيشة، ويكون سبب في اقبال العملاء علي البنوك للحصول علي القروض المختلفة اللي بتدمها البنوك.
اما بقي الناس اللي بتسال علي تاثير رفع وخفض الفايدة علي الاستثمار في مصر، فقرارات رفع الفايدة بيكون لها تاثير سلبي علي الاستثمار في مصر، خصوصا في نسبة كبيرة حاليا من الشعب المصري اتجهت لقفل مشروعاتها والاعتماد علي شهادات الأدخار خصوصا أن العميل بيكون ضامن مكسب مضمون وثابت طول مدة الشهادة وبدون ما يدخل في اي مخاطرة أو يتشري مواد خام ويبدأ تصنيع أو يكون عنده موظفين وعملاء والتزامات شغل يومية، ورفع الفايدة في مصر في الفترات اللي تسبب في اغلاق نسبة كبيرة من المشروعات الصغيرة والمتوسطة، وده تسببب في وجود نسبة كبيرة من البطالة في مصر بسبب اغلاق مشروعات كانت شايلة ايد عاملة كبيرة في مصر.
