العقارات سبب ارتفاع أسعار الدهب فى مصر.. هنقولك إزاي؟ وإيه اللي بيحصل؟
يا ترى هو السوق العقاري في مصر لسه بيحقق معدلات كويسة، هل هو فعلا الحصان الرابح اللي بيعول عليه القطاع الخاص عشان يسحب البساط من الأوعية الإدخارية التانية ولا إيه، وليه دايما العقارات في منافسة شرسة مع الدهب.
طبعا العقارات بتعتبر من أهم الأوعية الادخارية لناس كتير، بمعنى إنها بتكون وسيلة استثمار آمنة ومضمونة، يقدر أي حد عايز يستثمر فلوسه أو يزودها فيحطها في العقارات عشان يحقق هدفه.
وزي ما العقارات وسيلة إدخارية، فالدهب هو كمان وعاء إدخاري مهم جدا، وبينافس العقارات وأي حاجة تانية، لأ وكمان بيتربع على عرش الأوعية الادخارية في مصر والعالم، وبيتحدد عليه اقتصادات دول كتيرة.
طب يا ترى إيه قصة الأزمة اللي حصلت في الفترة الأخيرة بين الدهب والعقارات في مصر، وهل في حلول لها، ولا الوضع هيفضل مكمل شوية؟
بص يا سيدي، كلنا عارفين إن سوق الدهب بيعاني من نقص في السيولة دلوقتي، عشان كده ده دفع الشركات المحلية لأنها تتوجه للتصدير بشكل أكبر عشان تقدر توفر السيولة اللازمة اللي محتاجاها.
والكلام ده ساهم في إن الطلب المحلي على الدهب شهد تراجع ملحوظ في الفترة الأخيرة، وده في حد ذاته ساهم في زيادة حجم المعروض في الأسواق، على عكس اللي كان عليه قبل كده.
أما بخصوص علاقة العقارات في أزمة الدهب، فنقدر نقول إن التسويق العقاري المكثف في الفترة الأخيرة، ساهم في سحب جزء كبير من السيولة من سوق الدهب، عشان كده لجأ مستهلكين كتار لبيع مدخراتهم الدهبية عشان يسدوا أقساط العقارات.
كمان، الناس اللي استثمروا في الدهب في آخر سنتين، بدأوا في البيع بكميات كبيرة لجني الأرباح، حتى لو مش عايزين سيولة عاجلة، لكن ده اللي حصل واللي أثر بالتأكيد على المعدن النفيس وسبب أزمة في سوق الدهب.
كمان، العلاقة التقليدية بين الدهب والدولار، واللي هي الضد، بقت هي كمان بتشهد تحول غير مألوف، فرغم ارتفاع سعر الدهب لسه الدولار قوي في ظل المستجدات الاقتصادية العالمية.
ولكن لو رجعمة للعلاقة بين العقارات والدهب المحلي، لجوء الشركات تلجأ لتصدير. العقارات عشان توفر سيولة دولارية محترمة، فكل ده بيأثر على سوق الدهب وبيسبب له خساير بسبب قلة عمليات البيع، لكن كل التوقعات بتقول إن الأزمة دي مكملة شوية، وهنشوف بنفسنا ده في الأيام الجاية.
