باب استثمار جديد ومبتكر.. إيه اللي بيجرى في سوق العقارات

سوق العقارات المصري رايح على فين.. وإيه التطور الجديد اللي بيحصل فيه.. وليه العقارات بقت أهم مجالات الاستثمار.

سوق العقارات نقدر نقول إنه بقي قاطرة التنمية في الاقتصاد الاجمالي المصري ودا بفضل الاستثمارات الضخمة اللي دخلت السوق في الفترة اللي فاتت وخاصة في قطاع العقار الفاخر والفندقي وبيعتبر سوق العقارات من الأسواق الجاذبة للاستثمار في قارة أفريقيا والشرق الأوسط وشهد قدوم عدد كبير من الشركات العربية والعالمية للاستثمار في السوق الواعد دا وعالميا بيتم تخزين 68% من صافي الثروة العالمية في العقارات لأنه استثمار مربح وآمن بعد الدهب كمان وحسب الأرقام أكتر من 72% من النمو في الثروة العالمية جاي من ارتفاع أسعار الأصول العقارية واللي تجازوت المدخرات والاستثمارات وعشان كده لسه العقارات مستمرة واحدة من أقوى وأفضل المجالات الجاذبة للاستثمار على مستوى العالم.

بعد الارتفاعات القياسية.. سوق العقار رايح على فين

هتنزل النص.. مفاجأة في سوق إيجار العقارات.. شوف السبب

وفي مصر حجم السوق العقارية المصرية حاليا وصل 3.5 تريليون جنيه مصري ودا حسب أخر إحصاء في سنة 2023 وبتشكل العقارات السكنية أكبر حصة من السوق المصرية.

وحسب أخر تقارير بردو قطاع العقارات في مصر شهد نمو كبير وصل 8% خلال 2024 ومن المتوقع يوصل إلى 5.2 تريليون جنيه مصري بحلول 2028 ووكالة فيتش العالمية توقعت زيادة الاستثمارات في السوق العقاري المصري على المدى الطويل بشكل كبير مدفوعا بقوة القطاع العقاري التجاري في مصر ودا نتيجة جهود الدولة في إنشاء المدن الجديدة والذكية وتعمير الساحل الشمالي والعلمين الجديدة والعقار السياحي وكلها بتوفر فرص ممتازة قدام المستثمرين العرب والأجانب خاصة بعد تحرير سعر الدولار في مارس اللي فات واستقرار أسعار مواد البناء والطلب المتزايد على العقارات في مصر كواحد من أهم أنواع الاستثمار مع الذهب والشهادات الدولارية.

طيب ايه الجديد في سوق العقارات المصري؟
شوف ياسيدي الفترة اللي فاتت حصل زيادة كبيرة في أسعار العقارات بسبب ارتفاع الطلب زي ماقلنا وتحسن المؤشرات الاقتصادية ودا فتح باب استثماري جديد وهو الملكية الجزئية للعقار اللي أصبح خيار مثالي وجاذب للمستثمرين والنظام دا معناه ببساطة إن المستثمر أو المواطن العادي اللي معاه مدخرات ومش قادر يشتري عقار كامل إنه يشتري ويتملك العقار بشكل جزئي يعني على قد فلوسه ودا بيتيح للمستثمرين امتلاك حصص في العقارات الفاخرة أو الاستثمارية او حتى الفنادق والقرى السياحية من غير الحاجة إلى دفع قيمتها بالكامل  وطبعا دا نظام نجح جدا خاصة مع صغار المستثمرين وأحد الحلول لمواكبة تحولات السوق العقارية.

وحسب معلومات السوق تبنت شركات عقارية نموذج الملكية الجزئية لتعزيز مبيعاتها في السوق المصري من بينها شركة مدينة مصر للإسكان، اللي أعلنت في  عن نظام "SAFE" للاستثمار العقاري أو الملكية الجماعية للعقار واللي حققت رواج كبير جدا في السوق في الفترة الأخيرة ودا طبعا هينعش المبيعات بشكل كبير.