خطة كامل الوزير نجحت.. شوف مكاسب ونتائج الطرح الأول لمصانع الجلود بالروبيكي

يا ترى إيه أهداف وزارة الصناعة من طرح مصانع جديدة في مدينة الجلود في الروبيكي، هل الهدف هو جذب مستثمرين محللين وعالميين لمصر، ولا ده نوع من الترويج الجديد للصناعة دي، وامته المصانع دي تبدأ تحقق مكاسب اقتصادية تقدر بيها تساند الاقتصاد المصري.
 

في الساعات الأخيرة، الفريق كامل الوزير، نائب رئيس مجلس الوزراء للتنمية الصناعية، وزير الصناعة والنقل، أعلن عن نتائج الطرح الأول للمصانع الجاهزة بمدينة الجلود اللي في الروبيكي، وده بعد ما تم تطويرها بالكامل ورفع كفاءتها عشان تناسب الصناعة المهمة دي.

مليارات بالكوم هتدخل خزينة الدولة.. شوف اللي بيحصل في الروبيكي

الروبيكي.. عاصمة صناعة الجلود في إفريقيا والشرق الأوسط

والمصانع دي بتيجي ضمن المرحلة التالتة والمخصصة لتصنيع المنتج النهائي للصناعات الجلدية والصناعات المكملة ليها، لأن كان الطرح الأول عليه إقبال كبير جدا من المستثمرين، والإقبال ده ساهم في تخصيص كل المصانع المطروحة بالطرح الأول وعددهم 43 مصنع جاهز للمستثمرين.

يعني نقدر نقول إن خطة كامل الوزير نجحت، وسجل 98 مستثمر على منصة مصر الصناعية الرقمية لشراء كراسة الإشتراطات ، وبالفعل تم دراسة كل الطلبات الواردة، وتمت الموافقة على 29 طلب مستوفي لكافة الاشتراطات اللازمة للتخصيص، لكن تم إستبعاد طلبات تانية بسبب عدم استيفاء المستندات، أو إختلاف الأنشطة المتقدمة عن النشاط الصناعى المخصص لمدينة الجلود، أو عدم القدرة المالية أو المناقشة الفنية المتخصصة مع المتقدمين.

ولحد دلوقتي، قدم 43 مصنع في المرحلة الثالثة بمدينة الجلود بالروبيكي، عشان يقدروا يقدموا المنتجات تامة الصنع والصناعات المكملة ليها بنظام التمليك، عشان كده مقرر إعلام المستثمرين المتقدمين على الطرح بنتيجة التخصيص، وده بيتم من خلال إرسال رسائل نصية SMS للفائزين، كمان بيتم إعلان النتائج عبر منصة مصر الصناعية الرقمية.

ومن هنا، قالت وزارة الصناعة، إن الإقبال الكبير على الوحدات المطروحة في الروبيكي، سببه هو التسهيلات أو التيسيرات غير المسبوقة اللي بتحرص الوزارة على تقديمها، وده تم فعليا من خلال طرح المصانع بأسعار تنافسية وبتيسيرات كبيرة في السداد، عشان نشجع المستثمرين ورواد الأعمال عشات يشتغلوا في الروبيكي.

كمان، الإقبال الكبير على الروبيكي بيعكس ثقة المستثمرين المحليين والأجانب في المناخ الاستثماري في مصر، في ظل دعم القيادة السياسية غير المحدود لملف الصناعة والتوجيهات المباشرة بتذليل كافة تحديات الاستثمار الصناعي وتقديم التيسيرات اللازمة لتشجيع تدفق رأس المال المحلي والأجنبي.

ونقدر نقول إن الطرح الأخير، عكس وجود مؤشرات إيجابية في مناخ الاستثمار، زي الإقبال الكبير من المستثمرين المحليين والأجانب من أصحاب العلامات التجارية الكبيرة واللي لها اسم رنان في الصناعة، وده كفيل إنه يعجل بالطرح الثاني من المصانع الجاهزة في أقرب وقت ممكن.

وحاليا، تم تجهيز المرحلة الثالثة للروبيكي عشان تكون قاعدة لتصنيع منتجات جلدية تامة الصنع، وتقدر تضم كبرى الشركات المحلية والعلامات التجارية العالمية، ونقطة انطلاق لتصدير المنتج النهائي والإكسسوارات والصناعات المكملة لها عشان نقدر نوصل للمنتج النهائي.

وحاليا، الروبيكي بتقدم خدمات أو أنشطة الدباغة والمعالجات الأولية للجلود الخام مروراً بالصناعات المغذية والمكملة، زي الغراء والجيلاتين وصولا لتصنيع منتج تام الصنع، وكمان بتقدم الصناعات المكملة والاكسسوارات الخاصة بيها من خلال مصانع المرحلة الثالثة، عشان تكون واحدة من أهم مقومات النجاح لوزارة الصناعة، ونموذج مثالي للمدن الصناعية التخصصية المتكاملة.