حلم اتحول لحقيقة وهيغير خريطة الصناعة.. شوف مزايا منصة مصر الرقمية الصناعية
يا ترى إيه هي منصة مصر الرقمية، وليه وزارة الصناعة كانت حريصة أنها تنفذ المنصة دي، وايه أهدافها دلوقتي وفي الفترة الجاية.
يوم 1 سبتمبر 2024، كان تاريخ مهم في مسيرة الصناعة المصرية، فدايما بيبهرنا الفريق كامل الوزير، نائب رئيس مجلس الوزراء للتنمية الصناعية، وزير الصناعة والنقل، بكل جديد، وفي اليوم ده أطلق الوزير منصة مصر الصناعية الرقمية.
والمنصة دي وفرت خدمات كتيرة للمصنعين أو رواد الصناعة في مصر، وطبعا اتدشنت تطبيقا لتوجيهات الرئيس عبد الفتاح السيسي، اللي كلف بتنفيذ خطة شاملة للنهوض بقطاع الصناعة في مصر، عشان نقدر نواكب التطور التكنولوجي الحديث ونسهل على المستثمرين.
والكلام ده اتجسد في منصة مصر الصناعية الرقمية، اللي بتدعم دلوقتي جهود وازرة الصناعة للتحول الرقمي، وكمان الخطط الداعمة لتنمية وتطوير قطاعي الصناعة والتصدير.
كمان المنصة بتستهدف توطين الصناعات المحلية وتعظيم القيمة المضافة منها، عشان تساهم في تحقيق مزايا تنافسية فريدة تقدر تمكنها من النفاذ أو الوصول أكتر للأسواق الخارجية.
كمان، بتعتبر منصة مصر الصناعية الرقمية، البوابة الأساسية للارتقاء بمنظومة الخدمات اللي بتقدم للقطاع الصناعي في مصر، وبتسهل وصول المستثمرين لخدمات وزارة الصناعة وجهاتها التابعة، عشان كل ده يساهم في إنهاء الإجراءات وحوكمتها وتحسين بيئة الأعمال، وكمان زيادة الاستثمارات الصناعية.
ونقدر نقول كمان ، إن المنصة دي بتدعم جهود وزارة الصناعة للتحول الرقمي، وأي خطط داعمة لتنمية وتطوير قطاعي الصناعة والتصدير، وبتساهم في توطين الصناعات المحلية وتعظيم القيمة المضافة منهاؤ عشان نقدر نحقق مزايا تنافسية للسوق المصري.
ومن أهداف المنصة كمان، الارتقاء بالخدمات المقدمة للقطاع الصناعي في مصر، وتجسيد جهود وزارة الصناعة لتحقيق التنمية وتحسين بيئة الأعمال.
وبالنسبة لأي رجل صناعة أو مستثمر، فالمنصة بتوفرلك سهولة إنهاء الإجراءات الحكومية، وكمان بتدعم المصنعين من بداية الفكرة لحد التصدير، وبتعمل تواصل فعال مع جميع جهات الصناعة.
ضيف على ده، إنها منصة رقمية متكاملة بتوفر خدمات لها قيمة مضافة تقدر تسهم في تنمية القطاع الصناعي، وكمان بترفع مستوى الخدمات الحكومية المقدمة للمصنعين والمصدرين والمستوردين، وده بيتم من خلال تسهيل حصولهم على الخدمات وتوفير المناخ الملائم لتحقيق النمو الصناعي المستدام القائم على تعزيز التنافسية والتنوع والمعرفة والابتكار.
ومن ضمن الأهداف، هي زيادة نسبة مساهمة الناتج الصناعي في الناتج المحلي الإجمالي، وكمان إرساء بنية رقمية للتسهيل على المستثمرين عشان نقدر نجذب الاستثمار في القطاع الصناعي.
كمان، بتستهدف زيادة معدلات الصادرات الصناعية، وزيادة إشراك القطاع الخاص في التنمية الصناعية الشاملة، وكل دي أهداف الجمهورية الجديدة اللى بتسعى مصر لتحقيقها في الفترة الجاية.
