ازاي تحمي فلوسك من عمليات السرقة الاليكترونية في 4 خطوات
الثلاثاء 14/يناير/2025 - 06:01 ص
علشان مايتنصبش عليك وفلوسك تروح من بين ايديك.. تعالى اقولك ازاي تتجنب عمليات السرقة الاليكترونية بأربع خطوات بس.
أول حاجة هي أنك تكون واخد بالك كويس اوي من المكالمات الغريبة اللي بتجيلك... واوعى اوعى تدي معلوماتك الشخصية أو المالية لاي حد على الموبايل.. ومش محتاجة اقولك انك ماتفتحش اي لينكات لو انت مش متأكد منها.
تاني حاجة ماتشاركش اي كلمة سر خاصة بيك او رقم تعريفي أو تفاصيل مصرفية أو معلومات شخصية مع أي حد.. ولازم تغير الباسورد بتاعك كل فترة ويكون معقد مكون من ارقام وحروف ورموز... وتالت حاجة بقى خليك حريص انك تزود الحماية الخاصة بيك.. زي انك تحمل ابلكيشن لحماية جهازك من التجسس و الفيروسات كمان.. واخر حاجة بقى لو شكيت عن أي نشاط أو حاجة حصلتلك بلغ عنه فوراً للبنك اللي انت تابع ليه.
