سر تحذير هشام عز العرب من مخطط خبيث لاستهداف البنوك

إيه سر توقيت تصريحات المصرفي هشام عز العرب الأخير وايه اللي حذر منه وليه البنوك بتتعرض لحملة تشكيك منظمة في الفترة الأخيرة.. خليكم معانا للآخر وهتعرفوا التفاصيل في الفيديو ده

معروف إن البنوك المصرية هي من اكتر المؤسسات الوطنية اللي اتصدت وواجهت اكبر مؤامرة مالية على مصر في تاريخها الحديث واللي حاولت قوى الشر ولجانهم الالكترونية تستغلها عشان تضرب الاقتصاد وتوقع الدولة والكلام هنا عن أزمة الدولار اللي بدأت مع اندلاع الأزمة الروسية الأوكرانية وبعدها الأحداث في المنطقة اللي حولينا وتسببت في خسارة كبيرة لمصر وفقدت 22 مليار دولار أموال ساخنة في الأيام الأولى ليها ودا غير اكتر من 7 مليار دولار من ايرادات قناه السويس وبالتزامن مع حملات التشكيك والتضليل ظهرت السوق السوداء للعملة وتوحشت واتحولت من تجارة لمؤامرة متعددة الأطراف لتعطيش سوق الصرف من الدولار واللي بتعتمد عليه الدولة في استيراد السلع الاستراتيجية للمواطنين وسداد الديون ودفع مستحقات الشركات الأجنبية في مصر وتوفيره للمستثمرين والمستوردين.

لو نجح المخطط دا كان مصر هتوقع في أزمة كبيرة وتعرض استقرارها الاجتماعي للخطر لو بس سلعة استراتيجية زي القمح مثلا او السكر أو الزيت أو البنزين متوفرش في البلد ودا كان هدف قوى الشر اللي حاولوا يستهدفوه لكن البنك المركزي المصري ومعاه بنوك مصر الوطنية قدرت تتصدى للمخطط كله وتعبر بالبلد لبر الأمان وبالعكس قدرت توفر الدولار وتسدد اكتر من 38 مليار دولار ديون في سنة واحدة وتسدد جزء كبير من مستحقات الشركات العالمية في مصر وخاصة شركات التنقيب عن البترول وفي نفس الوقت قدر البنك المركزي أنه يوصل بالاحتياطي النقدي لمستويات قياسية.

طبعا نجاح قطاع البنوك في تجنيب مصر شر مستطير دفع حقد الإخوان واللجان الالكترونيه التابعة ليها أنها توجه سهام سمومها لقطاع البنوك المصرية وراحت تنشر الإشاعات والاخبار المفبركة والتشكيك في قدرتها وكفاية نعرف إن فيه 10 آلاف لجنة إلكترونية معادية تم انشاءها في 2024 للتحريض ضد الدولة والقيادة والحكومة ومؤسسات الدولة وفي مقدمتها البنوك.
 

طيب ايه اللي قاله المصرفي الكبير هشام عز العرب وكشف بيه المخطط الخبيث ؟
شوف ياسيدي هشام عز العرب رئيس مجلس إدارة البنك التجارى الدولى CIB- مصر كتب توبته على حسابه الرسمي على موقع إكس تويتر سابقآ قال فيها ان البنوك ملزمة بالاحتفاظ بحوالي 25% من ودايع العملاء في صورة أصول سائلة مثل أذون الخزانة، ودا بخلاف الاحتياطي الإلزامي لدى البنك المركزي، الذي لا يحمل أي عائد.

وقال عز العرب إن النسبة الأكبر من أصول البنوك تتركز في قروض العملاء، وليس العكس كما يروج البعض وإن أرباح البنوك بتنمو بالتزامن مع زيادة الودائع وقروض العملاء، إلى جانب توسع حجم الخدمات المصرفية التجارية، مما يعكس دورها المحوري في تحقيق الاستقرار الاقتصادي.

عز العرب أكد كمان ان البنوك المصرية لعبت دور حيوي في دعم الاقتصاد خلال أزمات كبيرة زي الأزمة المالية العالمية في 2008 وأحداث 2011، واللي البنوك اتحملت بسببها  أعباء كبيرة للحفاظ على استقرار النظام المالي. 

وحذر عز العرب من محاولات تشويه صورة البنوك أو تحميلها مسؤولية أزمات اقتصادية قد يؤدي إلى انهيار اقتصادى لن يتحمله أحد.