لو هتعمل مشروع 2025.. البنك ده هيديك تمويل 20 مليون جنيه
لو عايز تعمل مشروع تزود بيه دخلك ومش لاقي تمويل تعمل إيه، وهل في بنوك بتقدم لك قروض بالملايين وبتسهيلات كتيرة كمان، إيه هو أفضل البنوك وأفضل القروض وايه شروطها.. هنقولك كل التفاصيل في التقرير ده فتابعنا للآخر.
كتير من الشباب عايزة تعمل مشروع خاص بيهم، بيكون عندهم فكرة مشروع مربح لكن بينقصهم التمويل أو الفلوس اللي هيبدأو بيها عشان كده بنك ناصر بيقدم لهم قرض تمويل المشروع 2025 وإجراءات الحصول عليه سهلة جدا والتمويل ممكن يوصل لـ 20 مليون جنيه.
طب إيه هي تفاصيل قرض ال 20 مليون جنيه 2025 ده وشروطه؟
بص يا سيدي، بنك ناصر الاجتماعي ييمول المشروعات الصغيرة، واللي بتكون بدايتها فكرة، وهدفه هو تحفيز أصحاب المشروعات و المواطنين على الدمج فى الاقتصاد الرسمى لتحقيق الشمول المالي، وكمان الهدف من كده تهيئة المناخ اللازم وتشجيع وتحفيز المواطنين على الدخول إلى سوق العمل من خلال المشروعات دي.
ومن هنا، نقدر نقول إن قيمة تمويل بنك ناصر الإجتماعي لـ المشروعات الصغير، بتبدأ من 200 ألف جنيه وبحد أقصى 20 مليون جنيه للعميل الواحد، وبتبدأ مدة التمويل من سنة لحد 5 سنين.
طب إيه هي المستندات المطلوبة للحصول على تمويل بنك ناصر 2025؟
لازم العميل، يقدم مجموعة من المستندات عشان يحصل على تمويل المشروعات الصغيرة من بنك ناصر، زي صورة بطاقة الرقم القومي سارية للعميل وللضامن، وكمان صحيفة الحالة الجنائية موجه للبنك، ومايكونش مر عليها 3 شهور وبتفيد بعدم وجود أحكام جنائية عليه، وكمان لازم تقديم عقد تمليك أو إيجار لمقر النشاط و المخازن مثبت التاريخ أو موثق بحيث يغطى مدة التمويل
وماتنساش، تقدم ايصال مرافق لمقر النشاط و المخازن لم يمضى عليه 3 شهور على الأكثر، ومستخرج حديث من السجل التجارى لم يمر على استخراجه 3 شهور برضو، كل ده بجانب صورة من البطاقة الضريبية + شهادة للموقف الضريبي، وكمان تقدم شهادة تأمينية للمشروع، والتراخيص المطلوبة للنشاط سوءا موقتة أو دائمة.
كمان، بتشمل المستندات المطلوبة صورة معتمدة من القوائم المالية للنشاط القائم او دراسة جدوى للانشطة الجديدة، وشهادة عدم افلاس، بروتستو عدم دفع حديث لا تتعدى ثلاثة اشهر من تاريخ اصدارها باسم العميل.
ولو أنت مش عارف، فمتاح في بنك ناصر الاجتماعي، خدمات تمويل شراء سيارة، والتمويل العقاري، وكمان البنك بيمول مشروعات النقل التشاركي، والإستثمارات الإنتاجية والعينية، وعمليات استثمارية وغيرها من الأنشطة اللي تساعد الشباب.
وبالإضافة لبنك ناصر، فكمان بنك مصر، أطلق نظام مرابحة إكسبريس للمشروعات الصغيرة بنظام الإجارة الشرعية طبقاً لأحكام الشريعة، واللي بتوصل قيمة التمويل ل 5 مليون جنيه وفترة سداد لحد 5 سنين.
وبيتيح بنك مصر الموافقة على التمويل خلال 5 أيام عمل بس ، وممكن العميل يقدم 5 مستندات بس للقرض.
طب سعر فايدة القرض ده كام؟
بص يا سيدي، لو حضرتك عمل مشروع صغير بس خاضع لمبادرة البنك المركزي، فهتاخد معدل عائد منخفض بيوصل ل 5%، أما بالنسبة للباقي فمعدل العائد بيكون متناقص، وبيشمل كل الأعباء للشركات غير الخاضعة لمبادرة البنك المركزي.
كمان، التمويل متاح للمنشآت الفردية سواء كانت له حساب في بنك مصر أو لا، وكمان شركات الأشخاص اللي عندها حساب في بنك مصر فقط، بس لازم يجب مايقلش رأس المال عن 50,000 جنيه، ومايقلش عمر مشروعك عن سنة.
نيجي بقى لمزايا التمويل ده، فأولها مرونة الطلب، يعني متاح للعميل اختيار المبلغ وفترة التمويل التي تناسب احتياجات مشروعه.
وتاني حاجة، إمكانية تتبع مراحل طلبك للتمويل بشفافية تامة، وبعد مده تقدر الحصول على مرابحتك في خلال 5 أيام عمل من تاريخ تقديم الطلب، وبس يا سيدي.
وبعيدا عن تمويل مشروعك، فبنك مصر كمان بيقدم قروض لشراء السيارة المستعملة.
والقرض ده متاح للموظفين في الجهات الحكومية والقطاع العام والأعمال العام، وكمان الموظفين في القطاع الخاص، وأصحاب المهن والأعمال الحرة.
أما بالسنة للشروط، فهي سعر عائد تنافسي، والحد الأدنى لعمر المقترض يكون 21 سنة، والحد الأقصى للقرض 4 مليون جنيه، وبيكون نسبة التمويل 100%، أما مدة التمويل، فبتتصل إلى 72 شهر.
ولو عايز تقدم على القرض ده، فمطلوب شوية مستندات، زي صورة بطاقة الرقم القومي سارية، وأصل إيصال مرافق على مقر إقامة العميل (غاز-كهرباء – مياه – تليفون)، وصورة رخصة السيارة، وكمان وثيقة تأمين على السيارة لصالح البنك مسددة القيمة.
فلو عايز قرض من الاتنين، جمع ورقك وأطلع على أقرب فرع لبنك مصر أو بنك ناصر في منطقتك.
