المفاجأة اللي هتقلب الموازين.. شوف الجديد في ملف الاستثمار

هو ايه المفاجأة اللي هترجع الاستقرار لسعر الدولار وتنهي الارتفاعات بتاعة الوحش الاخضر .. والحكومة شغالة على إيه دلوقتي عشان توفر الدولار بأرقام كبيرة في البنوك .. خليكم معانا للآخر وهتعرفوا التفاصيل في التقرير ده

 
 من التجربة والصراع بين الجنيه والدولار نقدر نقول إن فيه مفاجآت كبيرة في الملف دا الفترة الجاية وباختصار دلوقتي فيه جهود ضخمة وبشكل سري بعيد الإعلام بتم لعقد صفقات استثمارية ضخمة مش هتقل عن صفقة رأس الحكمة وهتقلب الموازين في سوق الصرف ومش بس صفقة واحدة دا فيه اكتر من مشروع استثماري ضخم هيتم الإعلان عنه في الفترة الجاية ورغم أن مفيش تفاصيل كتير لكن كل الظروف والمؤشرات بتقول إنه هيكون فيه مفاجآت في ملف الاستثمار لأن الظرف متشابهة للظروف قبل صفقة رأس الحكمة الإماراتية وكمان تصريحات الدكتور مصطفي مدبولي ومسؤولي الاستثمار في مصر بتقول إن فيه حاجة مهمة هيام الإعلان عنها قريب جدا..

طيب الصفقات دي ممكن تيجي منين؟
فيه اكتر من طرف خليجي يستعد للإعلان عن صفقات كبيرة في مصر الفترة الجاية أولها السعودية واللي وقعت مع مصر اتفاقية حماية الاستثمارات وتوقيع الملك سلمان علي قرارات لتشجيع الاستثمار في مصر كل دا بجانب تصريحات المسؤولين السعوديين وعلى رأسهم ولي العهد السعودي لما قابل مدبولي من فترة قريبة بيأكدو إن السعودية بتستعد لإعلان مشروع كبير في مصر مش هيقل عن مشروع رأس الحكمة ولو فاكرين ولي العهد السعودي وجه باستثمارات 5 مليار دولار بشكل عاجل في مصر لغاية ترتيب الصفقات الجديدة.

كمان قطر بتستعد تعمل استثمارات ضخمة في مصر ودا اللي لامسناه من زيارة الدكتور مصطفى مدبولي رئيس الحكومة لقطر في الساعات اللي فاتت ولقاءه مع الشيخ تميم ومسؤولي الاستثمار في قطر ورجال الأعمال القطريين ورؤساء الشركات القطرية وتصريحاتهم إن الاستثمار في مصر أولوية للقطرين خاصة أن السوق المصري بقي سوق واعد جدا من بين أسواق الشرق الأوسط وإن فيه زيارة قريبة للغرفة التجارية القطرية ورجال الأعمال والاستثمار لبحث الاستثمار في قطاعات كتير زي التصنيع والطاقة المتجددة والصحة والسياحة والزراعة وهيتم بعدها الإعلان عن صفقات من العيار التقيل.

بعيدا عن الخليج العربي فيه استثمارات كبيرة جاية من أوروبا وخاصة بعد زيارة الرئيس السيسي الأخيرة لعدد من الدول زي الدنمارك والنرويج وهي دول مهمة جدا اقتصاديا ومكنش عليها تركيز مصري في السياسة الخارجية قبل كده لدرجة أن الرئيس السيسي هو أول رئيس مصري يزور الدنمارك وعارفين مثلا أن النرويج عندها فاىض مالي رهيب بتستثمره في دول العالم وعندها اكبر صندوق ثروة في العالم بيتقترب قيمته من 2 تريليون دولار وعامل مشروعات ضخمة في دول كتير ومصر مرشحة بقوة للصندوق عشان يستمثر في مصر خاصة بعد تصريحات ملك النرويج والمسؤولين هناك واللي أكدوا أن الفترة الجاية هيكون فيه تعاون كبير جدا اقتصاديا مع مصر وخاصة في ملف الاستثمارات.
بجانب الصفقات الاستثمارية المتوقعة الحكومة بتنفيذ خطة موازية لتوفير الدولار منها تقليل الاستيراد وزيادة التصدير وتوطين التصنيع المحلي في مصر وفتح شرايين وأسواق جديدة للمنتجات المصرية والتجارة الخارجية ودا غير زيادة التدفقات الدولارية من قطاعات اقتصاديه كتيرة زي السياحة وتحويلات المصريين والتصدير.