تخفيض كبير.. مفاجأة الحكومة بخصوص أسعار العربيات خلال هذا الموعد

السيارة بقت في الوقت الحالي عصب الحياة ومفيش عنها غني، خصوصا أن كلنا بندور علي الراحة واول الراحة بالنسبة لأي شاب هيا سيارة ترحمه من بهدلة الموصلات.. والحكومة أعلنت عن مفاجأة كبيرة.. ياتري امتي الكلام ده هيحصل امتي.. والاسعار هتنخفض لكام

اغلب الناس بتدور تشتري سيارة عشان تروح بيها شغلها وتوفر في الوقت والمجهود والتعب اللي بيلاقوه في المواصلات العامة لكن ارتفاع أسعار السيارات خل ناس كتير تفكر قبل ما تشتري وحصل ركود في السوق..

طيب اية هيا المفاجاة اللي بتجهزها الحكومة للشعب حاليا بخصوص أسعار العربيات؟.

حاليا مصر دخلت بكل قوتها في قطاع صناعة العربيات والحكومة بتستهدف حاليا تصنيع عربيات بأسعار منافسة على المستوى العالمي، خصوصا أن مصر عندها هدف أنها تكون مركز صناعي إقليمي لصناعة العربيات علي مستوي العالم .

المستشار الإعلامي لمجلس الوزراء محمد الحمصاني قال أن الحكومة عملت أكتر من اجتماعات مع شركات صناعة العربيات وخصوصا شركة نيسان مصر لبحث زيادة الإنتاج المحلي للمصانع من العربيات خصوصا أن الدولة حريصة على تعميق صناعة السيارات من خلال زيادة المكون المحلي وتقليل تكاليف الإنتاج، وتغطية احتياجات السوق المصري والاتجاه للتصدير للأسواق العالمية وفتح باب دولاري جديد لمصر من صناعة وتصدير العربيات.

الحمصاني كمل كلامه وقال إن الحكومة بتسعى لرفع مستوى الإنتاج المحلي للعربيات، والخطوة دي هتكون سبب اساسي في انخفاض أسعار العربيات في السوق المصري على المدى القصير خصوصا مع زيادة الانتاج المحلي واللي هيكون معاه وقف الاستيراد من الخارج.

الحمصاني قال كمان، أن استراتيجيات الحكومة في صناعة العربيات قايمة علي  رفع المكون المحلي في التصنيع، وده هيساهم في تقليل الاعتماد على الاستيراد، وهيساعد في تحسين القدرة التنافسية للمنتجات المصرية في الأسواق الخارجية.

الحمصاني اختتم كلامه وقال ان الحكومة ممثلة في وزارة الصناعة أنتهت من إعداد الإستراتيجية الوطنية للصناعة 2024/2030  واللي هتتضمن رؤية مستقبلية لمصر لاستثمار المقومات الفريدة اللي بتتمتع بها مصر زي موقعها الاستراتيجي كمركز إقليمي وتنوع مواردها الطبيعية ده غير البنية التحتية المتطورة اللي بتمتلكها مصر، خصوصا أن الاستراتيجية الوطنية للصناعة، بتعمد علي تطوير السياسات المالية والنقدية وتعديل حوافز الاستثمار، لتعزيز نمو السوق المصري وتشجيع تنمية الصناعات الخضراء والقطاعات الصناعية لتعميق التصنيع المحلي.