البنك الزراعي هيقف معاك.. تفاصيل قرض باب رزق 2025
نفسك تبدأ مشروعك ومش لاقي التمويل؟ بتفكر تعمل حاجة تضمن لك دخل ثابت ومش لاقي حد يقف معاك؟.. اطمن البنك الزراعي المصري معاك.. وبيقدم لك الحل اللي يخليك تبدأ من غير ما تفكر كتير من خلال "قرض باب رزق" 2025 التمويل اللي هيساعدك تحقق حلمك بخطوات سهلة وشروط بسيطة.. شوف الفيديو للآخر وعنقولك كل التفاصيل من أول نسبة الفايدة لحد الأوراق المطلوبة
قرض باب رزق هو مبادرة من البنك الزراعي المصري موجهة للشباب والسيدات وأصحاب المشروعات الصغيرة في القرى والمناطق الريفية و الهدف الأساسي من القرض ده إنه يشجعك تبدأ مشروعك الصغير سواء كان تجاري أو زراعي أو حتى صناعي.. والميزة هنا إنه مصمم خصيصًا لدعم الفئات اللي محتاجة دعم مادي بسيط عشان تشتغل وتبني دخل مستقر
طب إيه شروط الحصول على القرض؟
عشان تاخد قرض "باب رزق"، فيه شوية شروط بسيطة لازم تتوافر.. لازم تكون فوق 21 سنة و القرض متاح للشباب والستات القادرين على العمل.. والقرض مخصص للمشروعات الصغيرة زي تربية المواشي و مشاريع زراعية صغيرة أو أي نشاط بسيط تقدر تبدأ بيه في منطقتك.. ولازم يكون عندك مصدر دخل يضمن إنك تقدر تسدد القرض سواء من المشروع نفسه أو من شغل تاني
نيجي بقا لنسبة الفايدة والمبلغ اللي تقدر تاخده.. البنك الزراعي المصري بيقدم القرض بفوايد تنافسية عشان يخلي الموضوع سهل ومريح.. ونسبة الفايدة بتبدأ من حوالي 5% سنويًا بشكل تناقصي. يعني الفايدة بتقل مع كل قسط بتسدده.. وممكن تاخد تمويل يبدأ من 10,000 جنيه لحد 100,000 جنيه على حسب احتياجات مشروعك..و السداد بيكون مريح، وبيوصل لـ 3 سنين، مع إمكانية جدولة القرض لو احتاجت
و إيه الأوراق المطلوبة؟
عشان تقدم على قرض باب رزق هتحتاج توفر شوية أوراق بسيطة زي بطاقة الرقم القومي وتكون سارية.. وإثبات محل الإقامة من خلال فاتورة كهرباء أو مياه باسمك أو باسم قريب من الدرجة الأولى ودراسة جدوى بسيطة للمشروع يعني تشرح الفكرة وتوضح هتستخدم القرض في إيه مع إثبات دخل سواء كان بيان راتب لو بتشتغل أو إثبات دخل من نشاط سابق
طب ليه تختار قرض باب رزق؟
فيه أسياي كتيرة أولها إجراءات سريعة يعنى مفيش تعقيدات والإجراءات بتخلص في وقت قصير و البنك الزراعي المصري مش بس بيديك فلوس، لكنه بيوفر لك دعم واستشارات لو احتاجت و القرض ده بيخليك تبدأ مشروعك وتحقق دخل ثابت يساعدك تحقق الاستقرار
