مشروع واحد بـ 600 مليون دولار.. إيه اللي بيحصل في ملف الاستثمار
هو ايه اللي بيحصل في ملف الاستثمارات الاجنبية وإيه حكاية المشروعات والصفقات الأخيرة للشركات الأجنبية في السوق المصري وياترى حجم الاستثمارات دي كام وفايدتها على الاقتصاد.. كل دا هنعرفه في التقرير التالي خليكم معانا للأخر.
زي ما قلنا إن الاستثمار هو المستقبل لأي اقتصاد لأن الفلوس الأجنبية المباشرة هي للي بتعمل المشروعات في كل المجالات وفق جداول زمنية لأن غرضها المكسب لكن في نفس الوقت بتوفر فرص عمل لملايين الشباب وبتضخ أموال ضخمة وبالدولار طبعا في سوق الصرف المصري.
في الايام الأخيرة شفنا عشرات الصفقات اللي أعلنت عنها الحكومة لشركات عالمية في مصر خاصة في مجال التصنيع والطاقة المتجددة والنظيفة والزراعة والسياحة وغيرها..
إيه الجديد في ملف الاستثمارالنهاردة؟
الحقيقة في خلال 24 ساعة اللي فاتوا الحكومة أعلنت عن أكتر من استثمار أجنبي مباشر وكانت البداية بلقاء عقده الدكتور مصطفى مدبولي مع جوردي فيلا، رئيس شركة نيسان أفريقيا، واللي بتمثل نيسان العالمية لاستعراض خطط شركة نيسان المُستقبلية في السوق المصرية، ومن بينها تصنيع طراز تالت للشركة اليابانية العملاقة باستثمارات 45 مليون دولار وتم فعل توقيع عقده النهاردة بحضور المهندس حسن الخطيب، وزير الاستثمار والتجارة الخارجية وسفير اليابان في مصر.
الصفقة التانية كانت موافقة مجلس الوزراء على اعتبار مشروع شركة فيوتشر فيرت لصناعة الأسمدة والكيماوياتمن المشروعات الاستراتيجية، ومنحه الموافقة الواحدة “الرخصة الذهبية”.
المشروع بيستهدف إقامة وتشغيل مصنع لإنتاج الأسمدة البوتاسية، وتصنيع الأسمدة الفوسفاتية، وتصنيع الأحماض غير العضوية، وتصنيع الأسمدة المركبة بالمنطقة الاقتصادية الخاصة بشمال غرب خليج السويس وبتكلفة استثمارية حوالي 40 مليون دولار، وهيبدأ تشغيل المرحلة الأولى في يناير 2026 مع استهداف تصدير 70 في المية من الانتاج.
وكمان فيه مشروع تاني لنفس الشركة بالمنطقة الاقتصادية الخاصة وهيبدأ الإنتاج الفعلي سنة 2018، وهيختص بإنتاج السماد المُركب، بقدرة 50 ألف طن سنويا، وحقق نسبة تصدير وصلت 99% من الإنتاج، بقيمة تجاوزت 20 مليون دولار في عام 2023.
المشروع التالت النهاردة كانت منح الرخصة الذهبية لمشروع شركة أوبيليسك للطاقة الشمسية بنظام الاستثمار الداخلي والمشروع هيستهدف إنشاء محطة لإنتاج الكهرباء من الطاقة الشمسية بقدرة 1000 ميجاوات، لبيعها للشركة المصرية لنقل الكهراباء بمنطقة نجع حمادي بمحافظة قنا، بنظام حق الانتفاع.
وبتوصل التكلفة التكلفة الاستثمارية للمشروع نحو 600 مليون دولار، ومن المُقرر التشغيل التجاري للمرحلة الأولى في فبراير 2026، ثم التشغيل التجاري للمرحلة التانية في أغسطس 2026.
الصفقة الأخيرة معانا النهاردة كانت مع شركة الأمل الجديد الصينية ودي شركة رائدة فى المجال الزراعى والطاقة المتجدد..
الشركة الصينية ناوية تعمل مشروع مجمع مصانع للإعلاف فى مصر بقيمة استثمارية 100 مليون دولار يعني حوالي 5 مليار جنيه.
