لا للدولار ونظام مالي جديد.. بريكس تكشر عن أنيابها

ايه اللي بيحصل في العالم وليه الرئيس السيسي وبوتين قالبين الدنيا وليه سوق الدولار مقلوب وازاي هنشوف نظام عالمي جديد ينهي سيطرة الوحش الأمريكي الاخضر والهيمنة الغربية على الاقتصاد ومصر هتستفاد ايه من دا كله.. خليكم معانا للآخر وهتعرفوا التفاصيل 
 
على مدار الساعات اللي فاتت ولغاية الخميس الجاي الأوساط الاقتصادية والسياسية في العالم مش بتتكلم غير على قرارات قمة بريكس المنعقدة حاليا في روسيا واللي بتاريخ لنظام مالي واقتصادي عالمي جديد مش هيكون الدولار الأمريكي هو المسيطر فيه وهيكون فيه نظام جديد لتبادل السلع والمدفوعات المالية.
إزاي دا ممكن يحصل ومعقولة فيه حاجة تقدر تأثر على الدولار ؟
كل شيء في صراع القوى الاقتصادية ممكن يحصل ومتستغربش لو قلنالك أن بريكس قادرة تنهي سطوة الدولار بسهولة ودا أو بصينا لقوة دول بريكس واللي بيوصل إجمالي حجم الناتج المحلي السنوي ليها مجتمعة 60 تريليون دولار ودا رقم مجهول ولو عرفنا أن دول بريكس بتضم أكبر الأسواق العالمية من حيث التجارة والقوى البشرية واللي بتقدر بنص سكان الكوكب تقريبا ودا غير الموارد البشرية والطبيعية وموارد الطاقة في الدول الأعضاء في بريكس ودا غير موارد الطاقة اللي بتحتكرها دول التكتل زي النفط والغاز والثروات التعدينية والزراعية والصناعية والخدمية وتحكمها تقريبا في كل خطوط التجارة الدولية وحركة البضائع وكل ده مفاتيح قوة ضخمة تقدر من خلالها مجموعة بريكس تتحكم في الاقتصاد العالمي.

دلوقتي بتنعقد قمة مجموعة بريكس بحضور 24 رئيس دولة وحكومة في مقدمتهم الرئيس السيسي، وأكد رئيس القمة الرئيس الروسي فلاديمير بوتين أن القمة الحالية لبريكس جزء من مبادرة لإنشاء نظام عالمي جديد ينهي هيمنة الولايات المتحدة وأعلن عن ملامح أجندة القمة اللي هيكون ليها تأثير مباشر في صياغة نظام دولي جديد هيخلي تكتل بريكس يقود النمو الاقتصادي العالمي في السنوات المقبلة  وينهي  هيمنة الدولار  وإصلاح النظام المالي الدولي وانشاء نظام مدفوعات جديد بين الدول الأعضاء تستخدم فيه عملات الدول بعيدا عن الدولار بالإضافة لإنشاء منصة للوصول إلى الأسواق المالية لدول بريكس وكمان إنشاء بورصة للحبوب بين الدول الأعضاء  بديل للبورصات الغربية  مع السماح بالشحن المستمر للسلع الأساسية بين الدول الأعضاء .
طيب كل ده حلو مصر بقى هتستفاد ايه من بريكس ؟
مصر من اكتر الدول اللي هتستفاد من بريكس عشان كده كانت حريصة على عضوية البريكس واتقبلت هي و5 دول تانية من بين 20 دولة اتقدمت بطلب للعضوية ودا لأن المجموعة بتشترط إن الدول المنضمة تكون إضافة قوية للمجموعة والبريكس شاف في مصر إضافة قوية جدا من حيث حجم الأسواق فيها وتحكمها في خطوط الملاحة والتجارة الدولية من خلال قناة السويس بجانب تنوعها الاقتصادي الكبير ومعدلات النمو الكبيرة اللي حققتها.
مصر هتستفاد بشكل مباشر من ضعف الدولار واللي هو سبب مباشر لكل الأزمات الاقتصادية اللي بتعيشها مصر وتقليل الاعتماد عليه هيرجع حالة التوازن والاستقرار بشكل كبير جدا.