هبوط اجباري للدولار.. شوف مصر هتكسب ايه من اجتماع البريكس

مصر حاليا بتشارك في قمة البريكس، والقمة دي متوقع أنه يخرج منها قرارات مهمة، خصوصا علي المستوي الاقتصادي ياتري انعكاس القرارات دي علي الدولا هيكون عامل ازاي، وهل ممكن اسعار الدولار يتراجع قادم الجنية المصري.. ياترى ايه اللي هيحصل خليكم معانا.

مصر حاليا بتشارك بوفد رئاسي بقيادة الرئيس عبدالفتاح السيسي في قمة بريكس اللي بتعقد اجتماعها حاليا في مدينة قازان الروسية، والقمة دي هيا القمة الأولي اللي بتشارك فيها مصر منذ انضمامها لتكتل بريكس في شهر يناير اللي فات، وعلشان كده القمة دي بتعتبر ذات اهمية كبيرة بالنسبة لمصر.

القمة الحالية لبريكس متوقع أنه يصدر عنها قرارات مهمة تتعلق بالاقتصاد، وتوسعه الامور والاعتمادات المالية لبنك التنمية التابع لدول المجموعة واللي تم تدشينه لخدمة انشاءات البنية التحتية في الدول الاعضاء في تكتل البريكس، وكمان هيشهد توقيع عقود للتبادل التجاري بين الدول الاعضاء في التكتل للتبادل التجاري في السلع والاجهزة وكل الاحتياجات التانية اللي الدول الاعضاء في المجموعة بتصدرها للخارج.
طيب اية تاثير القمة دي علي سعر صرف الدولار عالميا؟.
خبراء الاقتصاد اجمعوا ان القرارات اللي هتخرج من قمة البريكس المنعقدة حاليا في مدينة قازان الروسية واللي هيكون اغلبها متعلق بالتبادل التجاري بين الدول الاعضاء واللي هتكون بالعملات المحلية للدول هتخفف الضغط علي الطلب العالمي علي الدولار الأمريكي وبالتالي متوقع أن سعر صرف الدولار ينحفض بشكل كبير في الايام اللي جاية .

وزي ما احنا عارفين أن مصر عندها علاقات اقتصادية قوية مع كل دول المجموعة خصوصاروسيا اللي بنستورد حاجات كتيرة جدا أولهم واكثرهم القمح، ده غير الصين اللي بنتسورد منها حاجات كتيرة جدا بيحتاجها السوق المصري، وبيوصل حجم التبادل التجاري بين مصر ودول البريكس لـ 31 مليار دولا، ده غير اتفاقيات الشراكة الاستراتيجية والسياسية اللي بتربط مصر بالدول الاعضاء في المجموعة خصوصا روسيا واللي وقعنا معاها اتفاقية الشراكة الاستراتيجية في عام 2018.
مصر هتقدر كمان تستفيد من انضمامها لتكتل البريكس انها تستورد كل مستلزمات الإنتاج والتكنولوجيا بأسعار تنافسية خصوصا الحاجات اللي اجنا بنجيها من دول  الصين، ده غير أن مصر هتأمن الموارد الاساسية اللي بتجتاجها بشكل اساسي زي النفط واللي مصر بدأت تستورد منه كميات كبيرة من الفترة اللي فاتت لتشغيل محطات توليد الكهرباء، خصوصا أن الدول الاعضاء في مجموعة البريكس بتمتلك ما يزيد عن 30% من حجم الاقتصاد العالمي وبتسيطر على 40% من تجارة النفط.
المكاسب اللي حتققها مصر مش هتقف علي كده بس، لا ده كما مصر هتستفاد بشكل كبير علي المستوي السياحي خصوصا أن الاجتماع ده هيصدر عنه قرارات بمنح وتسهيلات جديدة لدخول السائحين بين الدول الاعضاء في المجموعة ومصر هتسفاد منه بشكل كبير جدا خصوصا أن الدولة الاساسية في عدد السائحين الوافدين لمصر بيكونوا من روسيا واللي وصل عدد سائحيها في مصر في سنة 2010 واللي بيعتبر عام الذورة السياحية لنسبة 33% من نسبة السياحة اللي وصلت مصر في الوقت ده.